काठमाडौँ । प्रदेश नं ५ को कपिलवस्तुमा थप १० जनामा कोरोना संक्रमण पुष्टि भएको छ । 

 

स्वास्थ्य मन्त्रालयका सह प्रवक्ता डा समीररकुमार अधिकारीले दिएको जानकारीअनुसार राष्ट्रिय जनस्वास्थ्य प्रयोगशाला, काठमाडौँमा गरिएको नयाँ परीक्षणमा थप १० जनामा कोरोना पुष्टि भएको हो । 

 

कोरोना संक्रमण हुनेहरुमा कपिलवस्तु यशोधरा गाउँपालिका र बुद्धभूमि नगरपालिका ७ र १० निवासी युवाहरु रहेका छन् । उनीहरु १८, १९, २०, २०, २४, ३०, ३१, ३४ र ३४ वर्षका छन् भने एकजनाको उमेर खुलेको छैन । थप १० सहित नेपालमा कोरोना संक्रमणको संख्या १२० पुगेको छ । 

 

सहप्रवक्ता अधिकारीका अनुसार हालसम्म प्राप्त विवरणअनुसार उनीहरु सबैको स्वास्थ्य सामान्य रहेको र सबै स्वास्थ्यकर्मीहरुको सम्पर्कमा रहेका छन् ।