बाल्टिमोर (अमेरिका) । यहाँ स्थित दुई दशक पुरानो संस्था बाल्टिमोर एसोसिएन अफ नेप्लिज इन अमेरिका (बाना) को बोर्ड अफ ट्रष्टी अध्यक्षमा प्रभुराम थापा निर्वाचित भएका छन् ।

चुनावमा आफ्नो प्रतिस्पर्धी भन्दा अत्यधिक मत पाएर थापा निर्वाचित भएका हुन् । बाल्टिमोरमा रहेर व्यबसाय, सामाजीक सेवा लगायत कार्यमा थापा निरन्तर कृयाशील छन् । उनी प्रवासी नेपाली मञ्च अमेरिकाको निवर्तमान अध्यक्ष पनि हुन् । हाल उनी सो संस्थाको उत्तर अमेरिका क्षेत्रीय इञ्चार्ज छन् ।

‘चुनाव नगरौं भनेर साथीहरुले सहमतिको प्रयास गर्नुभएको थियो । एकसय १६ ट्रष्टी सदस्यहरु मध्य मलाई ९७ जनाले विश्वास गर्नुभयो । सबैप्रति आभारी छु’ थापाले हिमालयखबरसँग भने । संस्थाका निर्विरोध निर्वाचित अन्य पदाधिकारीहरुमा उपाध्यक्षमा अनुसुया श्रेष्ठ वन्त, सचिवमा सूर्योदय तिमिल्सिना र सदस्यहरुमा रिना केसी, जनक पौडेल र सुशीला महत रहेका छन् ।