जीवनको उत्तराद्र्धमा पनि साहित्यबाट विश्राम नलिने साहित्यकार प्रेमविनोद नन्दन भन्छन् : ‘प्रेम अनुभूति हो, जीवन अनुभवको शब्दकोष हो’

विक्रम संवत् १९९२ सालमा तनहुँको बन्दीपुरमा जन्मिएर नेपाली साहित्य बाटिकालाई सिंगार्दै आउनुभएका प्रेमविनोद श्रेष्ठ राष्ट्रका अमूल्य निधि र चितवनवासीका लागिसमेत आस्था र गौरवका पुञ्ज हुनुहुन्छ । अग्रज साहित्यकारहरुमध्येका एक मह¤वपूर्ण साहित्यकार उहाँ जातीय नामलाई ओझेलमा राखेर साहित्यिक उपनाम ‘नन्दन’ले पल्लवित हुनुभयो । गोपालप्रसाद रिमाल, भूपी शेरचन, लक्ष्मीप्रसाद देवकोटा र धरणीधर कोइरालाका जागृतिमूलक कविताबाट आरम्भ भएको…