टेक्सासको ड्यालसमा रहेका गुल्मेलीहरुले बनभोज कार्यक्रम आयोजना गर्ने भएका छन् । आगामी आईतबार युलेशको बियर कृक पार्कमा दिउसो १ बजेबाट ड्यालास वरपर बस्ने गुल्मेलीहरुको बनभोज हुन लागेको बनभोज आयोजक समिती संयोजक दिपक भण्डारीले बताएका छन् । संयोजक भण्डारीका अनुसार गुल्मी जिल्लाबाट ड्यालास वरपर बसोबास गर्नेहरु तथा गुल्मीमा माईती, मावली हुनेहरु समेतलााई निशुल्क प्रबेश दिएर बनभोज आयोजना गर्न लागिएको हो ।

गुल्मेली चौतारी टेक्सास नामको आयोजक समिती निर्माण गरेर गर्न लागिएको बनभोज कार्यक्रमको उदेश्य भनेको गुल्मीको सांस्कृतिक र धार्मिक पक्षलाई जानकारी दिंदै एक आपासमा सम्बन्ध बिस्तार गर्ने रहेको आयोजक मध्येक एक सागर अर्यालले बताएका छन् ।

ड्यालस वरपर रहेका समाजका बिभिन्न संघ संस्थाका प्रतिनिधीहरुलाई समेत निमन्त्रणा गरिएको बनभोज कार्यक्रम फरक र ऐतिहासीक बनाउने प्रयासमा रहेको आयोजकहरुको भनाई छ ।
गुल्मी जिल्लाबाट ड्यालास वरपर मात्र लगभग ५०० परिवार रहेको अनुमान गरिएको छ । गुल्मी जिल्लामा दशैंमा आयोजना हुने सराय नाचं, गुल्मेली सास्कृतिक नांच लगायतका बिभिन्न मौलिक प्रस्तुती रहने बनभोज कार्यक्रममा गुल्मी सम्बन्धी थप जान्न र त्यंहाबाट आएका वुबा आमाका यहि जन्मेका सन्तानलाई समेत गुल्मीको बारेमा धेरै कुरा जान्न मिल्ने अपेक्षा गरिएको आयोजक सदस्य नारायण क्षेत्रीले बिश्वास ब्यक्त गरेका छन् ।

बिना शुल्क आयोजना हुन लागेको बनभोज कार्यक्रममा आउन गुल्मेलीहरुलाई खुल्ला आब्हान गरिएको छ । आईतबार दिउसो हुने कार्यक्रम दिउसो १ बजेबाट साझं ६ बजेसम्म चल्ने छ ।