अमेरिका- नेपालको देवघाटमा विभिन्न धार्मिक र सामाजिक सेवा गर्दै आउनुभएका स्वामी श्री आत्मानन्द गिरिजीले अमेरिकाका विभिन्न शहरमा नेपाली समुदायसंग भेटघाट गर्नु हुने भएको छ । उहांको अमेरिका भ्रमण यसै साता देखी शुरु भएको हो ।

नेपालको पवित्र तिर्थस्थल देवघाटमा आत्मानन्द गिरिजी आश्रम, संस्कृत स्कुल बृद्ध आश्रम लगायत संचालन लगायत सामाजिक कार्यमा सकृय हुनुहुन्छ । उहांले संचालन गर्दै आउनु भएको गलेश्वर आश्रम देवधाटकै प्रसिद्ध आश्रम हो । त्यहां दैनिक धार्मिक कार्यक्रम लगायत निशुल्क भोजनको व्यवस्था पनि हुन्छ ।

अमेरिका वसाईका क्रममा गिरिजीले न्यूओर्क, बाल्टीमोर, कोलम्बस, सिकागो, विस्कोन्सन, डालास, एटलाण्टा लगायतका शहरमा भ्रमण गर्ने कार्यक्रम रहेको छ । ती शहरमा बसोवास गर्ने नेपाली समुदायले उहांको भ्रमणलाई सहजीकरण गरिरहेका छन् ।

आउने अक्टोबर २८ मा उहां नेपाल फर्किने कार्यक्रम छ ।