टेक्सस (अमेरिका) । टेक्ससमा बसोबास गर्दै आएका चितवनेहरुको आयोजनामा आउँदो सेप्टेम्बर १५ तारिक बनभोज (पिकनिक) आयोजना हुने भएको छ ।

सेप्टेम्बर १५ तारिक आइतबार ड्यालस फोर्टवर्थको ग्रेपभाइन लेकमा पिकनिक ह’न लागेको र उक्त पिकनिकमा सहभागी हुन अमेरिका भरि रहेका चितवनेहरुमा अपिल गरिएको छ । ‘यो पिकनिकलाई हामी चितवनेहरुले एउटा चाडकै रुप दिने प्रयास गरिरहेका छौँ । यो पिकनिकमा सहभागी हन अमेरिका भरि रहेका चितवनेहरुमा अपिल गर्दछु’ चितवनको टाँडी घर भएर हाल युलेस सिटीका काउन्सिल सदस्य रहेका टिका पौडेलले भने ।

चितवनमा जन्मिएका, अन्य जिल्लाहरुमा जन्मिएर चितवन बसाई सरेका, चितवन ससुराली भएका, चितवन माइती मावली भएका सबैजना सहभागी हुन सक्ने पिकनिक संयोजक सुशील क्षेत्रीले जानकारी गराएका छन् ।

सेप्टेम्बर १५ तारिक आइतबार बिहान ११ देखि साँझ ६ बजेसम्म पिकनिक आयोजना ह’ने समेत जानकारी दिइएको छ ।