हिमालयखवर संवाददाता

अमेरिका- गैर आवासिय नेपाली संघ अमेरिका (एनआरएन अमेरिका) ले संसदमा हालै प्रस्तुत नागरिकता विद्येयकमा विदेशमा स्थायी रुपमा वसोबास गर्ने नेपालीलाई दिने भनिएको नागरिकतासंग जोडिएका केही प्रावधान अस्पष्ट र विरोधाभासपुर्ण भएकाले सच्याउनका लागि लगिबं र दवाव दिने निर्णय गरेको छ । 

 

एनआरएन अमेरिकाको शुक्रवार भएको आकस्मिक वैठकले उक्त निर्णय गरेको हो । बैठकको शूरुमा कानुनविद् तथा एनआरएन अमेरिकाका पुर्व अध्यक्ष खगेन्द्र जीसीले संसदमा प्रस्तुत उक्त नागरिकता विद्येयकमा भएका अप्ठ्यारा प्रावधानका वारेमा बोलेका थिए ।

 

उक्त विद्येयकमा विदेशमा स्थायी रुपमा वस्ने नेपालीले एनआरएन नागरिकता लिन पहिलेको नागरिकता त्यागेको र विदेशी नागरिकता लिएको प्रमाण दिनुपर्ने उल्लेख छ । यस्तै गृहमन्त्रालयमा मात्र निवेदन दिन पाइने, सरकारले नदिनपनि सक्ने जस्ता दुख्ख दिन सकिने प्रभावधानहरु उक्त विद्येयकमा छन् । 

 

अमेरिकाको नागरिकता लिदा नेपालको नागरिकता त्याग्नुपर्ने प्रावधान यहां छैन । अमेरिकाले दोहोरो नागरिकतालाई स्विकार गरेको छ ।

 

एनआरएन नागरिकता सहज र सुलभ रुपमा प्राप्त होसभन्ने माग एनआरएन अभियानले शुरु देखिनै उठाउंदै आएको छ । वर्तमान संविधानमा विदेशमा वस्ने नेपालीलाई एनआरएन नागरिकता दिने उल्लेख छ । यही अनुसार नयां नागरिकता कानुन संसदमा प्रस्तुत भएको हो । एनआरएनएको मुख्य माग नेपाली नागरिकताको निरन्तरता नै हो । तर, यो व्यवस्था भने संविधानमा छैन । 

 

संसदमा प्रस्तुत उक्त विद्येयक संसदिय समितिमा छलफलका लागि पठाईन्छ । स्विकृत भए राष्ट्रपतिसमक्ष प्रमाणीकरणका लागि जान्छ । त्यसपछि कानुन बन्छ । 

 

विदेशमा वस्ने नेपालीलाई दिइने नागरिकता सहज र सुलभ वनाउन एनआरएन अमेरिका आफ्नो केन्द्रिय तह एनआरएनए, संसद र सरकारसमक्ष लविगं र दवाव दिनुपर्ने पक्षमा छ । 

 

एनआरएन अमेरिकाको उक्त आकस्मिक वैठकले खगेन्द्र जीसीलाई संयोजक तोकेर नागरिकता विद्येयकका स्पष्टता हटाउन समिति वनाई लविगं गर्ने सर्वसम्वत निर्णय गरेको छ । तर, जीसी भने यो निर्णय हुदां आफ्नो भनाई राखेर बैठकवाट विदा भएका थिए । जीसीले संयोजक वन्न स्विकार गरे त्यसअनुसार समिति वन्ने छ । जीसी एनआरएन नागरिकता समितिका संहसंयोजक पनि हुन् । दोहोरो नागरिकताका लागि जीसीले यस अघिपनि पटक पटक विभिन्न तहमा लबिगंहरु गरेका थिए ।