हिमालयखवर संवाददाता
अमेरिका- एनआरएन अमेरिका निर्वाचन समितिले १६७ जना उम्मेदवारको सूची सार्वजनिक गरेको छ । एनआरएन अमेरिका अध्यक्ष उपाध्यक्ष, सहित २३ पद, आईसीसी सदस्य र च्याप्टरका लागि उम्मेदवार दिनेको पहिलो सुची निर्वाचन समितिले पूर्व घोषित समय भन्दा दुई दिन ढिलो गरी बिहीबार मध्येरातमा सार्वजनिक गरेको हो ।
निकै चर्चामा रहेका अध्यक्ष पदका उम्मेदवार गौरी जोशी भने उक्त सूचीमा परेनन् । उनको उम्मेदवारी तोके अनुसार नभएकाले नाम सार्वजनिक नगरिएको समितिले स्रोतले वतायो । यस अनुसार अब अध्यक्ष पदमा चार जना मात्र उम्मेदवार छन् । दाबी विरोध गर्ने, नाम फिर्ता लिने समय अझ बाँकी छ ।
३ सय भन्दा बढी पदका लागि निर्वाचन हुन लागेको थियो । तर, उम्मेदवारको सङ्ख्या आधा मात्र छ । उम्मेदवार दिने मध्ये ४३ जनाको नाम सूचीमा परेन । प्रक्रिया नपुगी उम्मेदवारी हालिएकाले नाम सूचीमा नपरेको हो । किन नाम पहिलो सूचीमा आएन यसबारेमा व्यक्तिगत रूपमा जानकारी दिइने निर्वाचन समितिले जानकारी दिएको छ । अहिले सम्म यस्तो जानकारी आईनपुगेको सूचीमा नाम नपरेका तर, उम्मेदवारी दिएकाले हिमालयखवरलाई जानकारी दिए ।
प्रतिक्रिया