हिमालयखवर संवाददाता
टेक्सस(अमेरिका)- नेपालीहरूको बाक्लो बसोबास रहेको टेक्सस राज्यको युलेस सिटी काउन्सिलको सदस्यमा अल्पसंख्यकहरुको प्रतिनिधित्व गर्दै उमेदवारी दिएका डेमोक्रेट समर्थक सलमान भोजानी थोरै मत अन्तरले विजयी भएका छन् ।
शनिवार सम्पन्न युलेश काउन्सिलको निर्वाचनमा रिपब्लीकन मोली म्याडक्सलाइ पराजित गर्दै भोजानी युलेश काउन्सिल प्लेस ६ को सदस्यमा निर्वाचित भएक हुन । भोजानीले २११९ मत प्राप्त गरेका छन् भने म्याडक्सले २०८२ मत प्राप्त गरेकी छन् ।
यसपटकको सिटी काउन्सिलको निर्वाचनमा भोजानीलाइ नेपाली समुदायले उल्लेख्य सहयोग गरेको थियो ।
पाकिस्तानमा जन्मेर, अमेरिकामा आइ अरू अप्रवासी जस्तै कठिन संघर्ष गरेका भोजानीले अल्पसंख्यक अप्रवासीहरुको प्रतिनीधित्व, उत्थान र हक हितका लागी आफुले उम्मेदवारी दिएको बताउँदै आएका थिए । केही दिन अघि हिमालय खबरसँग कुरा गर्दै उनले भनेका थिए– “यहाँ बस्ने बिभिन्न समुदायलाइ सिटीसँग जोडन उम्मेदवारी दिएको हुँ ।”
युलेश काउन्सिल प्लेस ५ मा ह्यारी स्याम्पल, टिम सेन्ट क्लेयरलाइ भारी मत अन्तरले हराउँदै विजयी भएका छन् ।
प्रतिक्रिया