हिमालय खबर संबाददाता-
ड्यालस (अमेरिका)– युवापुस्ताका चर्चित गायक प्रमोद खरेलले आफ्नो पछिल्लो गीत ‘चल बतास चल’ लाई अमेरिकाबाट सार्वजनिक गरेका छन् ।
एक महिने लामो सांगितिक प्रस्तुतीका लागि यतिखेर अमेरिकाको दक्षिणी राज्य टेक्ससको ड्यालसमा रहेका खरेलले शुक्रबार म्युजिक भिडियो सहितको उक्त गीतलाई सार्जजनिक गरेका हुन् । शीतल कादम्बिनीको शव्द र अर्जुन पोखरेलको संगित रहेको यो गीत सामुहिक नाचका लागि अतिनै उपयुक्त छ ।
यो गीत युटुबमा भिडियो सहित उपलव्ध छ । अहिलेसम्म यो गीतलाई युटुबबाट २६ हजारले हेरिसकेका छन् । त्रिभुवन विश्वविद्यालयबाट रसायनशास्त्रमा स्नातकोत्तर गरेका खरेलले अहिलेसम्म दुईहजारको हाराहारीमा गीत रेकर्ड गराइसकेका छन् । अहिलेका व्यस्त गायकमा मानिने खरेलले ‘चल बतास चल’ बोलको गीतलाई दर्शक र श्रोताहरुले मन पराइदिनेमा आफू विश्वस्त रहेका बताएका छन् । खरेलले यसअघि गाएको ‘झुम्कावाली’ बोलको गीत निकै सुपरहिट भएको थियो ।
प्रतिक्रिया