पछिल्लो समय चर्चा परिचर्चामा रहेको आर्यन सिग्देल र नम्रता श्रेष्ठ स्रर फिल्म 'क्लासिक'को ट्रेलर सार्वजनिक भएको छ । बिहिबार राजधानीमा आयोजित एक कार्यक्रमका बीच फिल्मको ट्रेलर सार्वजनिक गरियो भने फिल्ममा समावेश गीत समेत सञ्चारकर्मीमाझ प्रस्तुत गरियो । दृष्टिबिहिनको कथा बोल्ने यो फिल्मको सार्वजनिक ट्रेलरले दर्शकको मन छुनसक्छ ।

ट्रेलरमा समावेश केहि संवाद मनमा बस्ने छन् । दिनेश राउत निर्देशित यो फिल्ममा सुवास गिरी र अभिनेता आर्यनको लगानी छ । फिल्म माघ २९ गते प्रेम दिवशको छेकोमा रिलिज हुँदैछ । फिल्ममा ताराप्रकाश लिम्बुको संगीत छ । सांगितिक रुपमा सशक्त भनिएको यो फिल्मको केहि दिन पहिले सार्वजनिक अडियो गीतले राम्रै चर्चा पाईरहेको छ । फिल्म सुवास ईन्टरटेन्मेन्ट र आर्यन सिग्देल इन्टर्नेन्मेन्टको ब्यानरमा तयार भएको हो ।