तोकियो । जापानका पूर्वप्रधानमन्त्री सिन्जो आबेको पार्थिव शरीर शनिबार उनको गृहनगर टोकियो ल्याइएको छ । जापानको पश्चिमी शहर नारामा भएको निर्वाचन अभियानलाई सम्बोधनका क्रममा उनीमाथि गोली हानी हत्या गरिएको थियो ।

 

गोली लागि घाइते लागि घाइते भएका आबेलाई उपचारका लागि तत्काल स्थानीय अस्पतालमा लगिएको थियो । स्थानीय समयअनुसार शुक्रबार साँझ ५ः०३ बजे उनको मृत्यु भएको घोषणा गरिएको थियो । 

 

जापानी पूर्वप्रधानमन्त्रीको पार्थिव शरीर लिएर शिन्जोकी पत्नी अकी आबे पार्थिव शरीरसँगै टोकियो आएको अमेरिकी टेलिभिजन सिएनएनले आबेको कार्यालयलाई उद्धृत गर्दै जानकारी गराएको छ । एनएचके वल्र्डका अनुसार, आबेको पार्थिव शरीर बोकेको गाडी स्थानीय समयअनुसार शनिबार १ः३० बजे टोकियोको शिबुया जिल्लास्थित आवेको घरमा आइपुगेको हो । 

 

जापानका प्रधानमन्त्री फुमियो किशिदा पनि पूर्वप्रधानमन्त्रीको पार्थिव शरीर रहेको घरमा पुगी उनीप्रति श्रद्धासुमन अर्पण गरेका छन् । उनले पूर्वप्रधानमन्त्री आवेकी धर्मपत्नीलाई भेट समवेदना अर्पण गरेकाम छन् । स्थानीय सञ्चारमाध्यमका अनुसार सोमबार राति दिवङ्गत आत्माको चीर शान्तिको कामना गर्दै रात्रि जागरण र प्रार्थना गरिनेछ भने अन्त्येष्टि मंगलबार गरिनेछ ।

 

यसैबीच, प्रहरीले पश्चिमी जापानको नारा सिटी निवासी ४१ वर्षीय तेत्सुया यामागामीलाई आबेको हत्याको प्रयास गरेको आशंकामा पक्राउ गरी सोधपुछ जारी राखेको छ । 

 

यसैबीच, विश्व नेताहरुले आबे परिवारप्रति सहानुभूति प्रकट गरेका छन् । साथै, उनीहरूले हत्याको निन्दा र पूर्वप्रधानमन्त्री आवेसँगको सहकार्यको स्मरण गर्दै दिवङ्गत नेताप्रति श्रद्धसुमन अर्पण गरेका छन् ।  

 

जापानी प्रधानमन्त्री फुमियो किशिदाले शुक्रबार नै राष्ट्रका नाममा सम्बोधन गर्दै ‘यो अक्षम्य कार्य हो’ र जापानी अधिकारीहरूले ‘यस परिस्थितिलाई सम्हाल्न उचित कदम चाल्नेछन्’ भनेका थिए । किसिदाले आबेको गोली हानी हत्या गरिनुको कारण अझै थाह नभएको पनि उक्त सम्बोधनमा बताएका थिए । साथै, उनले अनुसन्धान जारी रहेकाले यसबारे कुनै पनि राजनीतिक प्रभाबका बारेमा अनुमान नगर्न सबैसँग अनुरोध गरेका थिए । agency