ड्यालस (अमेरिका) – गैर आवासीय नेपाली संघ (एनआरएन) अमेरिका टेक्सस च्याप्टरले आउँदो बुधबार ड्यालसमा विशेष अन्तरकृया गर्ने भएको छ ।
एनआरएन अन्तर्राष्ट्रिय समितिका पूर्ब अध्यक्ष तथा संस्थापक जीवा लामिछाने, उपाध्यक्ष कुमार पन्त लगायतसँग बिजनेस फोरम सहितको अन्तरकृया कार्यक्रम आयोजना गर्न लागिएको एनआरएन टेक्सस च्याप्टरका अध्यक्ष भानु खरेलले जनाएका छन् ।
आउँदो जुन २० तारिक बुधबार साँझ ७ बजेदेखि बेडफोर्डस्थित फिस्टेल नेपाली रेष्टुँरामा कार्यक्रम हुन लागेको समेत खरेलले उल्लेख गरेका छन् । क्यालिफोर्नियाको सानफ्रान्सिस्कोमा जारी एनआरएनको विज्ञ भेला तथा साधारण सभाका लागि यतिखेर एनआरएनकाका पूर्व तथा वर्तमान उच्च पदस्थ पदाधिकारीहरु सहभागी भइरहेका छन् ।
शनिबार विज्ञ भेला सम्पन्न भैसकेको छ भने आइतबार साधारण सभा जारी छ । साधारण सभाको समापनसँगै एनआरएन आइसिसीका पदाधिकारीहरु नेपाली समुदायसँग भेटघाट तथा अन्तरकृयाका लागि ड्यालस आउन लागेका हुन् ।
ड्यालसको कार्यक्रममा एनआरएन आइसिसीका सल्लाहकार हेमराज शर्मा, एनआरएनका प्रवक्ता भुषण घिमिरे, आइसिसी मेम्बर महेश श्रेष्ठ, ओम गुरुङ लगायतको सहभागिता रहने एनआरएन टेक्सस च्याप्टरले जनाएको छ ।
कार्यक्रममा सबैलाई सहभागी हुनका लागि एनआरएन टेक्सस च्याटरले स्थानीय नेपाली समुदायसँग आग्रह समेत गरेको छ ।
प्रतिक्रिया