भूपेन्द्र न्यौपाने / हिमालयखबर संवाददाता
अष्टिन (टेक्सस)- गैर आवासीय नेपाली संघ (एनआरएन) अमेरिकाले टेक्ससको अष्टिनमा हेल्पलाइन सहितको हेल्पडेस्कको सुरुवात गरेको छ ।
अमेरिकामा रहेका नेपालीहरुका समस्या समाधान गर्ने उद्देश्य राखेर हेल्पडेस्क सञ्चालनमा ल्याएको हो । एनआरएन अमेरिकाका अध्यक्ष डा. केशब पौडेल तथा उपाध्यक्ष एवम हेल्पडेस्क समिती संयोजक उमा कार्की थापाले संयुक्त रुपमा हेल्पलाइन नम्बरको संचालनमा ल्याएका हुन् ।
८४४–६७६–२८७२ नम्बर डायल गरेर प्राप्त हुने जानकारी अनुसार आफ्नो समस्या टिपाउन सकिन्छ । हेल्पडेस्क समिती संयोजक तथा एनआरएन अमेरिकाकी उपाध्यक्ष उमा कार्की थापाले एनआरएनएले समाधान गर्न सक्ने समस्या भएमा एनआरएनले समाधान गर्ने र एनआरएन मार्फत समाधान नहुने समस्या भएमा सरोकारवाला निकायस“ग समन्वय गरेर समस्या समाधानको उपाय खोजिने जानकारी दिइन् ।
बरिष्ठ संचारकर्मी तथा चलचित्रकर्मी नारायण पुरीद्धारा निर्देशित नाटक 'नेपाल आमा'
हेल्प डेस्कलाई प्रभावकारी बनाउन सबैपक्षहरुस“ग समन्वय गरिरहेको र सबै च्याप्टरहरुमा च्याप्टर स्तरिय हेल्प डेस्क समिती गठन हुने भएको छ । कार्यक्रममा एनआरएन अमेरिकाका अध्यक्ष डा पौडेलले आलोचनाका लागी आलोचना मात्रै नभएर राम्रो कामको प्रशंसा गर्नुपर्नेमा जोड दिंदै हेल्पडेस्क तथा टोल फ्री नम्बर सञ्चालनमा ल्याइएको उल्लेख गरे ।
हेल्प डेस्क संगै आइडी कार्ड, नेपाली भाषा पुस्तक, छात्रबृत्ति लगायतका प्रशंसायोग्य कार्यक्रमहरुलाई सबैको सहयोग अपरिहार्य भएको अध्यक्ष पौडेलले बताए ।
कार्यक्रममा स्थानीय कलाकाहरुको नृत्यसगै बरिष्ठ संचारकर्मी तथा चलचित्रकर्मी नारायण पुरीद्धारा निर्देशित नाटक 'नेपाल आमा' मा मन्चन गरिएको थियो । नाटकमा कलाकारहरु सुभाष थापा, बिनिता खड्का, दीपक हुमागाइले अभिनय गरेका थिए । फोटो: रबिन पिया
प्रतिक्रिया