लसएन्जलस(अमेरिका)- एनआरएन अमेरिकाको आसन्न निर्वाचनमा क्यालिफोर्निया लसएन्जलसबाट डिल्ली राज सिलवाल(सिदार्थ) क्यालिफोर्निया च्याप्टरको युथ कोओर्डिनेटर पदमा निर्विरोध भइसकेका छन् ।
लसएन्जल्सको पुरानो संस्था नेपाल अमेरिका एकता समाजमा उपाध्यक्षमा रहेर धेरै उदाहरणीय काम गरिसकेका सिलवाल एक सफल व्यवसायी र सामाजिक अभियन्ताका रूपमा परिचित छन् । एनआरएनलाई साझा सञ्जालको रूपमा विकास गराउन आफ्नो महत्त्वपूर्ण भूमिका हुने उनी वताउछन् ।
राजनीति भन्दा पनि बढी सामाजिक रूपले नेपाली समाजलाई उन्नत बनाउन प्रतिवध्द हुने र एनआरएन अमेरिकामा दीर्घकालीन ढङ्गले क्यालिफोर्निया च्याप्टरलाई मज़बूत बनाउँदै केही नयाँ काम गरेर अघि बढ्ने उनको योजना छ ।
संस्थाको विधि, दीगोपन र सिर्जनामा विश्वास राख्दै एनआरएनको संस्थागत विकास ,स्वतन्त्र,निष्पक्ष अनि तटस्थ एन आर एन,स्वच्छ,सबल र सक्षम नेतृत्व चयन गर्ने अभियानमा जुटेर सबै लागौ भन्दै सिलवालले अबको एन आर एन लाई हामी सबैको साझा बनाउने पक्षमा आफू प्रतिबध्दता रहेको विचार व्यक्त गरेका छन् ।
प्रतिक्रिया