हिमालयखवर संवाददाता
न्युयोर्क(अमेरिका) – एनआरएन अमेरिकाको सदस्य भएका सबैले आउँदो चुनावमा भोट हाल्न पाउने भएका छन् ।
न्यायीक समितिले योग्यता पुगेर सदस्य भएका सबैले भोट हाल्न पाउने फैँसला दिएको हो । यो फैँसला पछि मार्च १६ देखि १९ तारिखसम्म सदस्य भएका झण्डै तीनहजार जनाको विषयको अन्यौल समाप्त भएको छ ।
न्यायीक समितिले दुई साता अघि थपिएको अवधिमा सदस्य भएकालाई मताधिकार नहुने जनाएको थियो । एनआरएन अमेरिकाको बोर्ड र मुद्धा दायर गर्ने पक्षबीच भएको सुनुवाईपछि न्यायीक समितिले सबै सदस्यलाई मताधिकार दिने निर्णय सुनाएको हो । एकपटकलाई थपिएको अवधिमा सदस्य हुनेलाई मताधिकारको अधिकार दिने निर्णय गरेको हो ।
अब सदस्यता भेरिफिकेसन समितिले छानबीन गरेर बिधानतः सदस्य हुन योग्य सदस्यहरुको सूचि सार्वजनिक गर्नेछ । त्यसपछि एनआरएको सही सदस्य संख्या र मतदाता एकीन हुनेछ ।
एनआरएन अमेरिकाको सदस्यताका लागि झण्डै १७ हजार आवेदन परेको छ ।
प्रतिक्रिया