हिमालयखवर संवादाता
टेक्सस(अमेरिका)- गैरआवासीय नेपाली संघ (एनआरएन)का अमेरिका क्षेत्रीय संयोजक सोनाम लामा र उपक्षेत्रिय संयोजक ए सी शेर्पाले एनआरएन अमेरिकाको उम्मेदवार बन्न एक कार्यकाल राष्ट्रिय वा अन्तर्राष्ट्रिय समन्वय परिषद् (एनसीसी वा आईसीसी) मा पदाधिकारी भई काम गरेको हुनुपर्ने स्पष्ट गरेका छन् ।
एनआरएन एनसीसी अमेरिका अध्यक्ष उम्मेदवारी सम्बन्धमा विभिन्न सञ्चार माध्यम र समाजमा शंका उपशंका उव्जिएको सम्बन्धमा ध्यानाकर्षण भएको जनाउंदै संयोजक र उपसंयोजकले यस्तो विज्ञप्ति सार्वजनिक गरेको उल्लेख गरेका छन् ।
यो विज्ञप्ति अध्यक्षमा उम्मेदवारी घोषणा गरेका गौरी जोशी प्रति लक्षित देखिन्छ । सदस्यता अभियान पछि जोशी बलियो उम्मेदवारका रूपमा देखिएका थिए । जोशी एनआरएनमा अहिले सल्लाहकार छन् । जोशीले यस अघि कार्यसमितिमा बसेर काम गरेको दाबी गर्दै आएका छन् ।
स्पष्ट पारिएको सम्बन्धमा शीर्षक दिएर सोमबार राती जारी विज्ञप्तिमा अमेरिकाको एनआरएन एनसीसी सन् २०१० पछि मात्र एनआरएन आईसीसीले मान्यता प्राप्त गरेको समेत जानकारी गराऊंदछु भन्ने उल्लेख छ ।
टेक्सस ड्यालसमा गत जनवरीमा भएको पांचौ साधारण सभाले भने एनआरएन अमेरिकाको अध्यक्ष हुन एक कार्यकाल पदाधिकारी हुन नपर्ने प्रस्तावलाई सर्वसम्वत रूपमा स्वीकृत गरेको छ । एनआरएन अमेरिकामा करमुक्त ५०१ सी अन्तर्गत स्थापना भएको संस्था हो ।
संयोजक लामा एनआरएन नेतृत्वमा सहमतिका लागि छलफल गर्न सोमबार टेक्सस ड्यालसमा छन् । सोनाम लामा र ए सी शेर्पा द्धारा सोमबार जारी विज्ञप्ति यस्तो छ ।
प्रतिक्रिया