न्यूयोर्क (अमेरिका)– गैर आवासीय नेपाली संघ (एनआरएन ) अमेरिकाका सचिव शंकर खड्कालाई आइतबार बसेको बैठकले सचेत गराएको छ I संस्थागत हित बिपरित कार्यमा संलग्न भएको पुस्टि भएपछी एक महिनाको समय दिएर सुध्रिन सचेत गराउने निर्णय भएको श्रोतले जानकारी दिएको छ I
संघको आइतबार बसेको बैठकले संस्थाका गोप्य निर्णयहरु बाहिर पठाउने गरेको र संस्थागत हित प्रतिकुल कार्यमा संलग्न भएको पाइएकोले सचेत गराउने निर्णय भएको एक पदाधिकारीले बताए । एक महिनाको समय दिएर आचरण सुधार्नका लागि निर्देशन दिने निर्णय भएको छ। ती पदाधिकारीले भने–‘त्यस अवधिमा पनि संस्थागत हित प्रतिकुल कार्य गरेमा कार्यसमितिबाट निलम्बन गरिनेछ ।
खड्काले एनआरएनको क्षेत्रीय सम्मेलनमा नेपालबाट सहभागी गराउन आफ्ना नातेदारलाई ल्याउने प्रस्ताव राखेको र त्यसलाई अध्यक्ष तथा अन्य पदाधिकारीले अस्विकार गरेपछि संस्था एवं अध्यक्ष विरुद्ध विषबमन गर्दै सञ्चारमाध्यममा बोल्दै हिडेको विषय आइतबारको बैठकमा उठेको थियो ।
त्यस विषयलाई कार्यसमितिले अत्यन्तै गंभिरतासाथ लिएर एक महिनाको समय दिँदै सचेत गराउने निर्णय गरेको हो । आजैको बैठकले पदबाट निलम्बन गर्ने विषयमा पनि केही पदाधिकारीले प्रस्ताव राखेका थिए। तर उनले गल्ती गरेको महसुस गरेकाले सुधार गर्न एक महिनाको समय दिने सहमति भएको हो बैठक स्रोतले भन्यो ।
एनआरएन क्षेत्रीय सम्मेलनका लागि नेपालबाट विशेष प्रतिभाका रुपमा मनोज चन्दलाई ल्याउने निर्णय गरेर अध्यक्ष डा. केशब पौडेलले निमन्त्रणा पठाएका थिए । तर त्यो कुरालाई मिडियाबाजी गरेको र अध्यक्षले आर्थिक लाभ लिएको भन्दै चरित्रहत्यामा खड्का उत्रेको एनआरएन अमेरिकाका पदाधिकारीहरुको भनाई छ । तर पनि अध्यक्ष डा केशब पौडेलले बहुमत सदस्यको कारबाही गर्ने मागलाई थोरै लचकता दिएर आफ्नै चरित्र हत्या गर्ने खड्कालाई मौका दिएको कुरा एनआरएन श्रोतले हिमालय खबरलाई जानकारी दियो I
प्रतिक्रिया