काठमाडौं : कलात्मक र आक्रमक खेल शैलीका कारण फुटबल विश्वमै सबैभन्दा लोकप्रिय खेल बनेको छ । कुनै कुनै देश र क्लब फुटबल एउटा युद्ध बराबर हुन्छ । जसमा हुने हारजितले मैदानबाहिर समेत भिडन्तको अवस्था निम्त्याउँछ ।
बुधबार अष्ट्रियामा भएको क्लबस्तरको मैत्रीपूर्ण खेलपछि दर्शकहरु भिड्दा फुटबल मैदान रणमैदानमा परिणत भयो ।
अस्ट्रियाको साल्जबर्गस्थित युगेनड्रफ सहरमा भएको मैत्रीपूर्ण खेलमा इङ्ल्यान्डको लिड्स युनाइटेडलाई जर्मनीको इन्ट्राक्ट फ्रयांकफ्रटले २–१ ले पराजित गरेपछि दुबै क्लबका दर्शकहरु मैदानदेखि सडकसम्म भिडन्तमा उत्रे ।
रेफ्रीले फाइनल ह्वीसील बजाउने बित्तिकै लिड्स युनाइटेड र फ्रयांकफ्रटका दर्शक एकअर्कामा जाइलागेका थिए । खेल मैदानबाट शुरु भिडन्त कार पार्किङ हुँदै सडकसम्म पुग्यो ।
प्रतिक्रिया