अमेरिका-अमेरिकामा महंगी वढ्ने क्रम रोकिएको छैन । वुधवार सार्वजनिक उपभोग्य वस्तु भाउको तथ्यांक अनुसार मार्च महिनामा साढे ८ प्रतिशतले मूल्य वढेको छ । 

 

उपभोग्य वस्तुको मूल्य बृद्धिदर यसरी उच्च रहेको यो ४० वर्ष यताकै बढी हो । 

 

बस्तु उत्पादन गर्ने उद्योगको तथ्यांकका आधारमा पनि आउने दिनमा मूल्य बृद्धि अझ नरोकिने संकेत गरेको छ । उत्पादक मूल्यमा मार्चमा बृद्धिदर ११ दशमलव २ प्रतिशत छ । यो अघिल्लो महिनाका तुलनामा १ दशमलव ४ प्रतिशतले उच्च हो । 

 

वस्तु ढुवानी गर्ने डिजेल, जहाजमा हाल्ने हाल्ने तेल, कामदारको पारिश्रमिक लगायतको बृद्धिले अमेरिकी उत्पादकको लागत वढेको छ । यसका कारण ताजा र ड्राई तरकारीको मूल्य समेत वढेको छ । 

 

युक्रेनमा भएको युद्धले अमेरिकामा तेलको मूल्य उच्च छ । कयौं स्थानमा उपभोक्ताले प्रति ग्यालिन ४ अमेरिकी डलर भन्दा वढी तिर्दै आएका छन् । 

 

उपभोग्य वस्तुको मूल्य बृद्धिले शेयर र घर जग्गा बजारमा कस्तो असर पर्छ यो भने अनिश्चित छ । 

 

शेयर बजार माथि उक्लिन सकेको छैन । केही शेयरले राम्रो गरेपनि अर्थतन्त्रमा अन्यौलताले समग्र बजार सुचकांक माथि चढेको छैन । 

 

तर, तातेको घर जग्गा कारोवार अझै सेलाएको भने छैन । निमार्ण समाग्रीको अभावले माग अनुसार नयां घर वनेका छैनन् । कयौं स्थानमा घर भाडा अझै उच्च  छ । माग अनुसार नयां घर नवन्नु, भाडामा लगाउंदा राम्रो मूल्य पाएकाले पनि घर जग्गाको माग कम भएको छैन । 

 

अमेरिकाको अर्थतन्त्रमा मन्दी शव्द भने आउन थालेका छ । बैंक अफ अमेरिकाले आउने दिनमा मन्दीको जोखिम रहेको विवरण सार्वजनिक गरेको छ । 

 

तेल लगायत उपभोग्य वस्तुको मूल्य बृद्धि कहिले सम्म रहन्छ र यसले कस्तो असर पार्छ भन्ने अहिलेको मूख्य प्रश्न हो । तर, निश्चित आम्दानीमा वस्दै आएका उपभोक्ता भने उपभोग्य वस्तुको मूल्य बृद्धिले आत्तिएका छन् । तस्बिर: सामाजिक संजाल