अमेरिका- दोस्रो कार्यकालका लागि उम्मेदवार नवन्ने घोषणा गरेका अमेरिकाका राष्ट्रपति जो वाइडेनले नयां पिढींलाई जिम्मेवारीको मसाल सुम्पिने समय आएको वताएका छन् ।

राष्ट्रपति पदका लागि पुन उम्मेदवारी संगै आफ्नो चुनावी अभियान समाप्त भएको घोषणा गरेको केही दिन पछि ह्वाइट हाउस स्थित ओवेल अफिसवाट राष्ट्रका नाममा सम्वोधन गर्दै वाइडेनले भने म राष्ट्रपति पदको सम्मान गर्छु तर, हाम्रो लोकतंत्रको वाटोमा कुनै अवरोध आउनु हुदैंन । यसमा व्यक्तिगत महत्वकांक्षा पनि पर्छ । लोकतन्त्र अगाडी वढाउने सवैभन्दा उत्तम तरीका नै नयां पिढींलाई मसाल सुम्पिनु हो ।

नयां आवाज र युवा आवाजका लागि पनि उपयुक्त समय र स्थान हुन्छ र त्यो समय र स्थान अहिलेनै हो वाइेनले भने । अमेरिकी जनताको राष्ट्रपति हुन पाउनु निकै ठुलो सम्मान भएको वताउंदै वाइडेनले आउने केही महिना पछि हुन लागेको राष्ट्रपति निर्वाचनमा आफ्नो समर्थन कमला ह्यारिसलाई रहेको पनि वताए ।

ओवल अफिसवाट सम्बोधन गर्दा उनका साथ परिवारपनि सगैं थिए । वढ्दो उमेरका कारण वाइडेनले दोस्रो कार्यकालका लागि उम्मेदवार नवन्ने घोषणा गरेका थिए । उनले आफ्नो कार्यकालका बांकी झण्डै ६ महिना राष्ट्रको हितका लागि काम गर्ने पनि वताए ।

वाइडेनले प्रतिस्प्र्धा छाडेपछि उपराष्ट्रपति कमला ह्यारिसले डेमोक्र्याटीक पार्टीवाट राष्ट्रपति उम्मेदवारका रुपमा प्रचार अभियान शुरु गरेकी छिन् । डेमोक्र्याटीक पार्टीको आधिकारिक उम्मेदवार हुने प्रकृया पुरा गर्न वांकी रहेपनि ह्यारिस अरु प्रतिस्पर्धी भन्दा निकै अगाडी छिन् ।

वाइडेनले छाडेपछि गरिएको मत सर्वेक्षणमा पनि प्रतिस्प्धी रिपव्लिकन पार्टीका उम्मेदवार डोनाल्ड ट्रम्प भन्दा आगाडी देखिएकी छिन् । केही दिन अघिवाट ७९ बर्षमा लागेका ट्रम्पको वुढौली उमेर पनि अहिले प्रश्न उठ्न थालेको छ ।

वाइडेनको भाषणलाई ट्रम्पले भने कुटिल भन्दा आफुले ठोस के भन्न खोजेको हो त्यो वुझ्न नसकेको वताएका छन ।