ड्यालस (अमेरिका) – गत साता ओक्लाहोमासिटीको स्विमिङपुलमा डुबेर निधन भएका सुनिल सापकोटाको अन्तिम संस्कार आइतबार ड्यालसमा गरियो ।

 

उनका पिता नेपालबाट आएपछि नेपाली समाज टेक्सस र गैर आवासीय नेपाली संघ (एनआरएन) को समन्वयमा अन्तिम संस्कार गरिएको हो । स्थानीय विद्युतीय शवदाहगृह ह्युगेज फेमिली ट्रिव्युट सेन्टरमा स्व. सापकोटाको अन्तिम बिदाईका लागि स्थानीय नेपाली समुदायका अगुवाहरुको सहभागिता थियो । 

 

त्यस अवसरमा एक मिनेट मौनधारण गरिएको थियो । त्यस अवसरमा नेपाली मन्दिरका मुल पूजारी डा. शेखर पण्डित, नेपाली समाजका अध्यक्ष सुमन थापा, पूर्ब अध्यक्ष कृष्ण लामिछाने, सचिव परशुराम दाहाल लगायतले स्व. सापकोटाप्रति श्रद्धाञ्जली व्यक्त गरेका थिए ।

 

गत जुलाइ २० तारिक ओक्लाहोमासिटी स्थित अपार्टमेन्टको स्विमिङपुलमा पौडी खेल्ने क्रममा सापकोटाको डुबेर निधन भएको थियो । उनी स्थानीय कम्युनिटी कलेजमा अध्ययरत थिए ।