हिमालयखवर संवाददाता

अमेरिका- न्यू-ओर्लियन्स स्थित सडकमा भएको गोलीबारीमा तीन जनाले ज्यान गुमाएका छन् । शनिवार साँझ भएको यस घटनामा सात जना घाईते भएको प्रहरीले जनाएको छ । उक्त गोलीबारी शनिवार साँझ साढे आठ बजे त्यहाँको चर्चित पर्यटकिय स्थल फ्रेन्च क्वाटर भन्दा ३ माइल पर चिकेन एण्ड वाटरमेलन रेष्टुरेण्ट नजिक भएको थियो । 

 

स्थानिय संचारमाध्यमका अनुसार दुई जना हुडी लगाएका व्यक्तिले भिडमाथि सर्टगन द्धारा जथाभावी गोली चलाएका थिए । 

 

गोली चलाएपछि ती व्यक्तिहरु दौडिएर भागेका थिए । प्रहरीले यस घटनामा संलग्नको खोजी गरिरहेको छ । घाइतेलाई तत्काल स्थानिय अस्पतालमा उपचारका लागि लगिएको थियो ।

आफ्नो शहरमा यस्तो प्रकारको कार्यलाई कुनै पनि हालतमा स्विकार्य नभएको त्यहाँका मेयर लातोया सेन्ट्रलले जनाएका छन् । 

 

स्थानिय प्रहरीले घटनाको अनुसन्धान गरिरहेको जनाएको छ । अनुसन्धानमा संलग्न प्रहरीले अधिकारीले व्यक्तिगत इवीका कारण यो घटना भएको हुन सक्ने जनाएका छन् । 

 

यस्तै टेक्ससको रोब्सटाउनमा एउटै परिवारका पाँच सदस्य मृत फेला परेका छन् । गालीका कारण यो घटना भएको प्रहरीले जनाएको छ । शुक्रवार राती भएको यो घटनामा एक जना किशोरपनि परेका छन् । प्रहरीले यो घटनालाई हत्या आत्महत्यासँग जोडेर हेरिरहेको छ । तस्बिर: सामाजिक संजाल