हिमालयखवर संवाददाता
ड्यालस (टेक्सस)- तपाई डान्सफ्लोरमा आगो बाल्न चाहनुहुन्छ ? बिहीबार मध्यरातमा ड्यालस डाउनटाउनमा नेपाली किशोर-किशोरीहरुले डान्सफ्लोरमा आगो बालेका थिए । मध्यरातसम्म ड्यालस डाउनटाउनको प्यासेफिक एभेन्यूको सडकमा ट्राफिक अस्तव्यस्त थियो ।
नेपाल नाच्छमा आगो बाल्न आएका ठिटाठिटीले त्यहाँको एमईडी अमेरिकाको डान्स फ्लोरमा प्रवेश पाउन लामो लाइन लागेको थियो । बाहिर भन्दा भित्र अझ खचाखच थियो ।
आकर्षक परिहन, चर्को म्युजिक, अनि डान्स र वारले डान्सफ्लोरमा मादकता थपेको थियो । सबै सभ्य र आफ्नो स्वतन्त्रता उपयोग गर्दै रमाइरहेका थिए । कोही ठिटाठिटी जोसीलो बनेर नाचमा व्यस्त थिए भने कोही डान्सफ्लोरमा चर्को म्युजिकको जोसमा थिए । त्यहाँको भीडभाड हेर्दा लाग्थ्यो हामी काठमाडौँमै छौ । फरक सुरक्षा व्यवस्था कडा थियो । जसले थोरैपनि अनुशासन तोड्छ सुरक्षाकर्मीले एक्जिटको बाटो देखाएका थिए । काठमाडौँ भन्दा यही फरक थियो ।
नेपाल नाच्छ यो नेपाली युवाले सृजना गरेको ग्लोबल कार्यक्रम हो । अमेरिकामा मात्र होइन विभिन्न देशमा यस्तै कार्यक्रम हुँदैआएको यो ड्यालसको विहिवारको कार्यक्रम सातौँ संस्करण हो ।
कार्यक्रम डिजो प्रशान्त, डिजो मम, डीजे विश्व, डिजे रिट, डिजे घले, डिजे सुशान्त, डिजे समीर, डिजे नितिश, डिजे स्केपले आफ्नो प्रस्तुति दिएका थिए । १८ वर्ष भन्दा माथिलाई मात्र प्रवेश दिइएको उक्त डान्स फ्लोरमा नेपाली विद्यार्थीको बाहुल्यता थियो । उत्साह भर्न ड्यालसका चर्चित व्यवसायी पासाङ लामा, दिपेश श्रेष्ठ, नेपाली समाज टेक्सस अध्यक्ष सुमन थापा, एनआरएन अमेरिकाका कार्यकारी सदस्य अमृतबाबु कट्टेल, फिस्टेल रेष्टेरेण्टका संचालक चिन्तामणी बराल/सबिन वाग्ले लगायतपनि त्यहाँ पुगेका थिए । उनीहरू पनि नाचिरहेका थिए ।
प्रतिक्रिया