हिमालयखवर संवाददाता
अमेरिका- गत मंगलवार साउथ वेस्ट एयरलाइन्सको न्यूयोर्कवाट टेक्सस ड्यालसका लागि उडेको फ्लाइट नम्बर १३८० जहाज अकस्मात एउटा इन्जिन फेल भएपछि फिलाडेलफियामा आपत्कालीन अवतरण गरेको थियो । त्यस बेला जहाजमा १४९ जना यात्रु र ५ जना कर्मचारी थिए । इन्जिनको एउटा धुम्ने पत्ता (ब्लेड) उछिटिएर जहाजमा क्षतिपुगेको थियो । उक्त जहाजका यात्रुका अनुसार वेला जहाज भित्रका यात्रु तनावमा थिए । कतिले अव मरिन्छ होला भनेर आफ्ना प्रियजनलाई सन्देशपनि लेख्न थालेका थिए । कतिले भगवानको प्रार्थना गर्दै थिए ।
तर, पाइटलले परिस्थितिलाई नियन्त्रणमा लिई समस्या आएको २२ मिनेटपछि जहाजलाई नजिकको फिलाडेलफिया एयरपोर्टमा आपत्कालीन अवतरण गरिन । अवतरण निकै रफ थियो तर, ठुलो दुर्घटना भने ट्रयो । जहाजको इन्जिनबाट उछिटिएको ब्लेड लागेर एक जना यात्रुको भने ज्यान गयो । ७३७ ७०० सिरिजको उक्त जहाजमा यस्तो किन भयो अनुन्धान भइरहेको छ ।
तर, साउथ वेस्टले भने उक्त जहाजका यात्रुसँग माफी माग्दै ५ हजार डलरसम्मको चेक पठाएको छ । यात्रुले अर्को यात्राका लागि भौचर पनि पाएका छन् । जहाजका यात्रुले आफूले साउथ वेस्ट एयरलाइन्सको क्षमायाचना पत्र र चेक पाएको पुष्टि गरेका हुन् ।
न्यूयोर्कवाट ड्यालसका लागि उडेको उक्त जहाज २० मिनेट पछि एक इन्जिनमा विस्फोट भएको थियो। त्यस बेला जहाज ३० हजार फिटको उचाइमा प्रति घण्टा ५०० माइलको गतिमा उडिरहेको थियो । जहाज अमेरिकी नौसेनाको लडाकु विमान उडाएकी महिला पाइलट टेमी जो शल्ट्सले उडाइरहेकी थिइन । जब इन्जिनमा समस्या आयो जहाजले एकैपटक एक हजार फिट तल झ्यो ।
जहाजमा अक्सिजन मास्क झर्यो । यात्रुहरू त्रसित भएका थिए । जहाज उठ्नु अघि विमान कर्मचारीले अक्सिजन मास्क लगाउने तरिका सिकाउँछन् । कतिले ध्यान दिन्छन् कतिले यसको आवश्यकता पर्दैछन भनेर ध्यान दिदैंनन । तर, उक्त जहाजमा जब अक्सिजन मास्क लगाउन भनियो कयौँ यात्रुले ठिकसँग लगाउन सकेनन् जानेनन् । सीएनएनले केही यात्रुले ठिकसँग अक्सिजन मास्क नलगाएको जहाज भित्रको तस्बिर प्रकाशित गरेको थियो ।
पाइलटले आफ्नो कुशलताको उपयोग गर्दै जहाजलाई समस्यामा परेको २२ मिनेटपछि अवतरण गराउन सफल भइन् । जहाजको इन्जिनबाट उछिटिएर आएको ब्लेड विमानमा प्वालपारी एक जना यात्रुलाई घाइते भइन उनको अस्पतालमा निधन भयो । जहाजले आकस्मिक अवतरण गरेपछि सबै यात्रुले ती महिला पायटलको प्रशंसा गर्दै खुसी व्यक्त गरेका थिए ।
कसरी बोडगं ७३७ ७०० सिरिजको जहाजको ब्लेड कसरी बाहिर आयो यसबारेमा पत्ता लगाउन अमेरिका हवाई सुरक्षा अधिकारी र विमान निमार्ता कम्पनीका विज्ञ जुटेका छन् । फोटो: सामाजिक संजाल
प्रतिक्रिया