हिमालयखवर संवाददाता
अमेरिका- अमेरिकी अदालतको अन्तरिम आदेशका कारण स्थगित एनआरएन अमेरिकाको निर्वाचन छिटो हुने सम्भावना टरेको देखिन्छ । अध्यक्षपदमा मनोनयन पत्र हाल्ने गौरी जोशी र महासचिव पदमा मनोनयन गर्ने पूर्ण वानिया द्धारा निर्वाचन समिति संयोजक र सदस्यलाई प्रतिपक्ष बनाई दायर उक्त मुद्दामा टेनेसि अदालतले अर्को आदेश नआउंदा सम्म सबै प्रकारका निर्वाचन प्रकृया रद्द गर्न आन्तरिम आदेश जारी गरिएको छ ।
एनआरएन अमेरिका निर्वाचन समितिका नाममा यस्तो आदेश जारी भएको हो । एनआरएन अमेरिका ५०१ सी अर्थात् कर मुक्त संस्थाका रूपमा अमेरिकामा दर्ता छ । यो संस्था टेनिसी कोर्टको दायरा भित्र पर्ने हुदां त्यहाँ मुद्दा हालिएको हो । एनआरएन अमेरिका यहाँ दर्ता भए पनि एनआरएनए आईसीसीलाई प्रतिनिधित्व गर्छ । एनआरएनए नेपालको परराष्ट्र मन्त्रालयमा दर्ता भएको संस्था हो । यो विश्वका ७४ देशमा फैलिएको छ ।
यो आदेशका बारे विपक्षीको भनाई पनि सुन्ने अदालतको आन्तरिम आदेशमा उल्लेख छ । अनुरोध भएमा विपक्षीको भनाई सुन्न आदेशमा उल्लेख छ । अन्तरिम आदेश जारी गर्दा कुनै वोण्ड मागिएको छैन । निर्वाचन समितिले पनि यसका लागि आफ्नो भनाई राख्न वकिल तोकिसकेको बताइएको छ । एनआरएन अमेरिकासंग सम्बन्धित उक्त अदालतमा परेको यो दोस्रो मुद्दा हो । दुई वर्ष अघि परेको पहिलो मुद्दाको अहिलेसम्म फैसला भएको छैन ।
(टेनिसी अदालतको फैसलाको पूर्ण पाठ)
एनआरएनको चुनाव स्थगित
एनआरएन अमेरिकाको निर्वाचन स्थगित गर्न अदालतको आदेश
जोशीलाई उम्मेदवार कायम गर्न आइसिसीको अर्को निर्देशन
प्रतिक्रिया