अमेरिका- अमेरिकामा घर किन्न कति कमाउनु पर्छ ? यदी पांच लाख अमेरिकी डलर पर्ने घर किन्ने हो भने परिवारको बार्षिक आम्दानी औषतमा १ लाख ४७ हजार वा यो भन्दा कमाउनु पर्ने हुन्छ ।

घरको मासिक किस्ताका आधारमा यो हिसाव गरिएको हो । तर, मासिक किस्ता क्रेडिट स्कोर, ब्याजदर, ऋणको समय आदिमा निर्भर हुन्छ ।

घर किन्न तपाईलाई ऋण दिने बैंक वा संस्थाले आम्दानीको २८ प्रतिशत घरको किस्तामा लगाउंदा उचित हुन्छ भन्ने आधारमा कति सापटी दिने भन्ने निर्धारण गर्छन ।

यही आधारमा २० प्रतिशत डाउनपेमेण्ट गर्दा ऋण ४ लाख डलर हुने भयो । ३० बर्षको अवधिको ऋण् लिदां ब्याजदर अहिले ६ देखी ७ प्रतिशतको विचमा छ । यस आधारमा यदी ७ प्रतिशत ब्याजदर राख्ने हो भने सांवा र ब्याजका लागि किस्ता रकम मासिक २६६० अमेरिकी डलर आउंछ ।
यसमा घरको सम्पत्ति कर, बिमा, मर्मत संभार लगायतका खर्च जोडिएको छैन ।

सम्पत्तिकर राज्य अनुसार फरक पर्छ । अमेरिकामा औषतमा एक प्रतिशत भन्दा कम शुन्य दशमलव ९० प्रतिशत सम्पत्ति कर छ । तर, राज्य अनुसार यो फरक छ । न्यूजर्सी, पेन्सेलभानिया , टेक्ससमा जस्ता राज्यमा यो अझ वढी हुन्छ । यही शुन्य दशमलव ९० प्रतिशत सम्पत्ति कर छ भने औषतमामासिक सम्पत्ति कर ३७५ डलर पर्न आउंछ । यसलाई तिर्न सक्दिन भन्न पांईदैन । यस पछि मासिक किस्ता ३०३५ डलर भयो ।

घरको बीमा पनि अहिले बद्धि भएको छ । यो पनि औषतमा २ सय ७५ डलर पर्न आउंछ । पांच लाख अलि ठुलो रकम भएकाले बीमा रकम पनि अति वढ्छ । यस आधारमा बीमा समेत जोड्दा घरको किस्ता मासिक ३४२५ डलर पुग्छ ।

घर वाहेक अन्य खर्चहरु पनि हुन्छन । त्यसैले घरको किस्ताका लागि २८ प्रतिशत छुट्याउनने हो भने तपाईको परिवारको बार्षिक आम्दानी १ लाख ४७ हजार डलर हुनै पर्छ । यदी छैन भने घर किन्न नआत्तिनुहोस ।

यतीले मात्र पुग्दैन घर किने पछि होम ओनर शुल्क पनि हुन सक्छ । बीमाले कभर नगर्ने सानो तिनो मर्मत संभारगर्नु पर्छ । अरु विजुली पानीको पैसा तिर्नु पर्छ । यसले पनि तपाईको खर्च वढाउंछ ।

घर किने पछि शुरुका महिनामा किस्ता जति वुझाएको छ अधिकांश भाग ब्याजमै जान्छ । केही बर्ष त सांवा घट्दै घट्दो नरहेनछ जस्ता लाग्छ । घरको मूल्य अकस्मात बढेन भने २ वा ३ बर्ष पछि घर विक्री गर्दा पनि खासै फाइदा भने हुदैंन । आफु वसियो भन्ने मात्र हो । यो औषत हिसाव हो घर किन्ने कसरी किन्ने यो तपाईको परिवारको व्यक्तिगत निर्णय हो ।