छुटाउनु भयो कि?

मेगा मिलियन एक अर्ब डलरभन्दा माथि पुग्यो

प्रकाशित |
मेरिका । अमेरिकाभित्र खेलिने चिठ्ठा मेगा मिलियनको पुरस्कार राशी एक अर्ब २५ करोड डलर पुगेको छ । शुक्रबार राति सार्वजनिक हुने मेगा मिलियनको कुल राशी नेपाली रुपैयाँमा हिसाब गर्दा यो झण्डै एक खर्ब ३० अर्ब रुपैयाँ हुन आउँछ । 
 
यो चिठ्ठा पर्‍यो भने एकै पटक तपाईं नेपालका डलर अर्बपति विनोद चौधरी जत्तिकै धनी बन्नुहुने छ । कयौँ पटक खोल्दा कसैलाई पनि नपरेपछि मेगा मिलियनको पुरस्कार राशी बढ्दै गएको हो । 
 
एउटाको दुई रुपैयाँमा पाइने यो चिठ्ठामा १ देखि ७० सम्मका ५ र एउटा मेगा बल नम्बर हुन्छ । किनेको चिठ्ठामा सबै नम्बर मिल्यो भने एक पटक धनी हुने अवसर मिल्ने छ । 
 
शुक्रबार खुल्ने चिठ्ठा पर्‍यो भने कति पाइन्छ त ? सबै नम्बर मिल्यो भने सबै एक अर्ब र चानचुन डलर नै पाइन्छ भन्ने होइन । एकै पटक नगद लिन्छु भन्ने हो भने पुरस्कारको रकम करिब ६० करोड २५ लाख डलर हुन आउँछ । यो पनि नेपाली रुपैयाँमा ७० अर्ब रुपैयाँभन्दा बढी हुन्छ । तर, यो ६०  करोड २५ लाख रुपैयाँमा पनि केन्द्र र राज्यले लगाउने कर तिर्नुपर्ने छ । सबै कटाउँदा पनि पाइने रकम भने निकै ठूलो नै हुने छ । 
 
पुरस्कारको राशी बढ्दै गएकाले किन्नेहरु पनि बढ्न थालेका छन् । यदि शुक्रबार खोल्दा कसैलाई यो चिठ्ठा परेन भने शुक्रबार राशी अझ बढ्ने छ । तर, एक जनाभन्दा बढीलाई समेत चिठ्ठा पर्न सक्छ । 
 
यो चिठ्ठा पर्ने सम्भावना भने ३० करोडमा १ मात्र छ । यो हिसाबमा यो चिठ्ठा पर्ने सम्भावना निकै कम छ । यदि तपाईंलाई यो जीवनमा धनी नै हुन लेखेको छ भने पर्न पनि सक्छ । आखिर भाग्यो भयो भने कसको के लाग्छ र ?
 

हिमालयखबर संवाददाता

हिमालयखबर संवाददाता -

थप »

यो खबर पढेर तपाईलाई कस्तो महसुस भयो ?

प्रतिक्रिया