वासिङ्टन । कोरोनाभाइरसबाट हालसम्म १२ लाख ५२ हजार व्यक्तिको मृत्यु भएको छ । गत डिसेम्बरमा चीनको बुहान सहरबाट सुरु भएको यस कोरोनाभाइरसबाट हालसम्म ४ करोड ९८ लाख ६१ हजार ८९ व्यक्ति सङ्क्रमित भइसकेका छन् । तीमध्ये ३ करोड ५४ लाख कोरोनामुक्त भएका छन् ।  

सबैभन्दा बढी प्रभावित देश संयुक्त राज्य अमेरिकामा कोरोनाभाइरसबाट २ लाख ४२ हजार ३३९ जनको मृत्यु भएको छ । अमोरिकामा एक करोड ७१ हजार व्यक्ति कोरोना भाइरस सङ्क्रमित भएका छन् । जसमा ६३ लाख ९२ हजारभन्दा बढी कोरोनामुक्त भएका छन् ।

अमेरिकापछि ब्राजिलमा १ लाख ६२ हजार ३५ व्यक्तिको कोरोना भाइरसबाट मृत्यु भएको छ । यहाँ ५६ लाख ३२ हजार ५०५ कोरोना भाइरस सङ्क्रमित रहेका छन् । भारतमा १ लाख २५ हजार ८९५ जनाको कोरोनाभाइरस सङ्क्रमणको कारण मृत्यु भएको छ । यहाँ ७८ लाख ३७ हजार ६१ कोरोनाभाइरस सङ्क्रमित भएका छन् ।

मेक्सिकोमा यस भाइरसका कारण ९४ हजार ३२३ जनाको मृत्यु भएको छ भने ९ लाख ५५ हजार १३८ जना सङ्क्रमित भएका छन् । बेलायतमा ४८ हजार ५६५ जनाको मृत्यु भएको छ भने ११ लाख ४९ हजार ७९१ जनाको कोरोना भाइरस संक्रमित भएका छन् । 

चीनमा कोरोना भाइरसबाट ८६ हजार भन्दा बढी व्यक्ति सङ्क्रमित भए भने ४ हजार ६३४ जनाको यस भाइरसको कारण मृत्यु भएको थियो । एएफपी