हिमालयखवर संवाददाता
न्युयोर्क (अमेरिका)- एनआरएन अमेरिका सदस्यता भेरिफिकेसन समितिले सदस्य संख्यामा विरोधाभास पूर्ण तथ्यांक दिएपछि पुन विवाद आएको छ ।
एनआरएन अमेरिकाको सोमवार साँझ बसेको कार्यसमिति बैठकमा समितिका संयोजक तिलक श्रेष्ठले सदस्य संख्या १४ हजार ७ सय २२ कायम रहेको जानकारी दिएपछि विवाद भएको हो ।
कार्यसमितिका पदाधिकारीले किन २ हजार भन्दी रद्द भए पारदर्शी गर्न र सूचीमा नपरेका सदस्य आवेदन पनि सार्वजनिक गर्न माग गरेका छन् । श्रेष्ठले भेरिफिकेसनवाट १ हजार ७१८ सदस्य रद्द भई १५ हजार १६५ कायम भएको बताएका थिए । यही आधारमा कार्यसमिति सदस्यले संख्या किन फरक पर्यो भन्ने प्रश्न गरेका थिए ।
यस्ता प्रश्न उठेपछि भेरिफिकेसन समितिले मंगलवार एक दिन थप समय मागेको थियो । भेरिफिकेसन गर्दा थुप्रै कैफियतदेखिएको केही व्यक्तिहरूको नाम छुटेको भन्दै भेरिफिकेसन समितिको ध्यानाकर्षण गराएका थिए ।
एनआरएन अमेरिकामा सदस्यता विवाद पुरानो हो । वर्तमान कार्यसमितिले नक्कली सदस्य बनाएर चुनाव जितेको आरोपमा अदालतमा मुद्दा परेको थियो । यो मुद्दा अझै विचाराधिन छ ।
सदस्यता विवाद टुंग्याउन नसक्नुमा चुनाव मुख्य कारण भएको पदाधिकारीले बताए । कति राख्ने कति काट्ने यो दबाबमा समिति परेको ती पदाधिकारीले बताए । यो विवादले निर्वाचन पनि अन्यौलमा परेको छ । एनआरएन अमेरिकामा कार्यसमितिको पदावधी दुई वर्ष हुन्छ । यो कार्यसमितिले दुई वर्षको अवधि पुरा गरिसकेको छ ।
मुख्य रूपमा विवाद अध्यक्ष पदमा उम्मेदवार घोषणा गरेका डा केशव पौडेलले र गौशी जोशीका कारण लम्बिईरहेको ती पदाधिकारीको दाबी छ । जोशी निकट स्रोतले भने यस्तै विवाद भइरहने हो भने एनआरएनमा जानु सदस्य हुनुको कुनै अर्थ नहुने बताए ।
प्रतिक्रिया