भरतपुर, (चितवन)– अमेरिकाको नेपाली समाजमा गौरी जोशी अपरिचित नाम होइन । नेपालीहरुका हरेक कार्यक्रमहरुको प्रायोजन गर्ने, हेर्दा अति सामान्य यी व्यक्तित्वलाई नचिन्ने अमेरिकामा सायदै कमै छन् ।
आफुलाई खासै प्रचारमा ल्याउने नचाहने जोशी अमेरिकाका निकै चर्चित ब्यवसायी लोकप्रिय र सबैका लागी उपयोगी पात्र हुनुहुन्छ ।
'नेपाली जनशक्तिलाई अमेरिकामा स्थापित गर्नु पर्छ र हाम्रा युबाहरुलाई अरुको कारिन्दा भएर होईन नेतृत्व दिएर अगाढी बढाउनु पर्छ' भन्ने मान्यता राख्नुहुन्छ जोशी । हरेक नेपालीले अमेरिकामा ठुला ठुला कम्पनी खोल्ने र आफनै उद्योगको मालिक बन्ने बातावरण सृजना गर्न सदा तत्पर हुनुहुन्छ ।
बिकासका लागी रातिमा होईन दिउसो सपना देख्न पर्छ भन्ने मान्यता राख्ने जोशी एनआरएन अमेरिकाको वर्तमान सल्लाहकार हुनुहुन्छ ।
कर्मथलो जहाँ भएपनी जन्मभुमीलाई प्राण ठान्ने जोशी देश बिकासका लागी आमा फाउण्डेसन नामक संस्था दर्ता गरेर देश बिकासमा अहोरात्र खटिईरहनु भएकोे छ । सामाजीक कार्यकै सिलसिलामा गत साता जोशी नेपाल आउनुभएको थियो ।
प्रतिक्रिया