चितवन । रत्ननगर नगरपालिका वातावरण संरक्षणमा देशभरकै उत्कृष्ट नगरपालिका घोषित हुँदै पुरस्कृत भएको छ ।

नेपाल नगरपालिका संघको ३१औँ वार्षिकोत्सवका अवसरमा वन, वातावरण, जलवायु परिवर्तन र उत्थानशीलताका क्षेत्रमा उल्लेख्य काम गरेबापत रत्ननगर नगरपालिका पुरस्कृत भएको हो ।

काठमाडौँमा आयोजित एक औपचारिक समारोहबीच संघीय मामिला तथा सामान्य प्रशाशनमन्त्री भानुभक्त जोशीले नगरप्रमुख प्रलाद सापकोटालाई सम्मान–पत्र प्रदान गरेका हुन् ।

उक्त समारोहमा उपप्रमुख यादवप्रसाद पाठक, विज्ञ सल्लाहकार रामहरि न्यौपाने, नगरप्रवक्ता कुलप्रसाद सापकोटा तथा वडाध्यक्षहरु सहभागी थिए ।