अमेरिका- अमेरिकामा घन किन्न चाहनेका लागि केही राहत हुने भएको छ । बैंकको व्याजदर यो साता पनि केही तल झरेको छ । विगत ९ साता देखि बैंकको व्याजदर तल झरिररहेको छ । अगष्ट मध्ये देखि व्याजदर तल झर्न शुरु गरेको थियो । अर्थ बजार विश्लेषकहरुले आउने बर्ष यो अझ तल झर्न सक्ने विश्लेषण गरेका छन् ।

घर किनवेच कर्जामा संलग्न वित्तीय संस्था फ्रडी म्याकले विहिवार सार्वजनिक गरेको तथ्यांक अनुसार डिसेम्बरको पहिलो साता ३० बर्षे ऋणको औषत व्याजदर ७ प्रतिशत भन्दा तल झरेको थियो । यो साता यो व्याजदर ६ दशमलव ६१ प्रतिशतमा आएको छ । एक बर्ष अघि ३० बर्षे ऋणको औषत व्यादर ६ दशमलव ४२ प्रतिशत थियो ।

व्याजदर उच्च हुदां घर किन्न, ऋण लिएर व्यवसाय गर्न महंगो पर्दै आएको थियो । ३ बर्ष अघि ऋणको व्याजदर करिव ३ प्रतिशतको हाराहारीमा थियो ।

यदी कसैले ३ लाख अमेरिकी डलर ऋण लिदां ७ प्रतिशत व्याजदर छ भने बर्षको २१ हजार व्याजमात्र तिर्नु पर्छ । तर, व्याजदर ३ प्रतिशत छ भने जम्मा १२ हजार व्याज तिरे पुग्छ । सात प्रतिशतमा कर्जा लिदां मासिक मार्गेग अर्थात किस्तामा अत्याधिक बृद्धि भएको थियो ।

अमेरिकामा उपभोग्य बस्तुको महंगी अत्याधिक बढेपछि यहांको कन्द्रिय बैंक फेडरल रिर्जभले आफ्नो समर्थन व्याजदर पटक पटक वढाएको थियो । अहिले मूल्य बृद्धिदर केही मथ्थर भएको छ । यसैले अव व्याजदर वढाउने होइन घटाउने दवाव फेडरल रिर्जभ माथि छ । आउने बर्ष व्याजदर घट्न सक्ने अनुमान धेरैको छ ।

अमेरिकामा नेपाली समुदायको बृद्धि संगै घर किन्नेहरु पनि वढेका छन् । भाडामा बस्नु भन्दा घर किन्दा फाइदा हुने अनुमानमा धेरै नेपालीले घरमा लगानी गर्दै आएका छन् ।

अमेरिकामा अहिले आम्दानीको तुलनामा घरको मूल्य निकै उच्च रहेको छ । आम्दानी र घर क्रय क्षमता विचको अन्तर धेरै भएकाले यो समय घर किन्नलाई कठिन भएको विश्लोषण बजार विज्ञहरुको छ । तर, भाडामा वस्दा पनि महंगो भएकाले घर किन्ने चाहनेहरु छन् । आम्दानीले नभ्याउने हुदां धेरैले अहिले घर किन्ने योजना पछि पनि सारेका छन् ।

व्याजदर घटेपनि घरको मूल्य भने तल झरिसकेको छैन । घरको आपूर्ति मात्र भन्दा कम भएकाले मूल्य नघटेको विश्लेषण छ । व्याजदर घट्न थालेकाले घर विल्र्डरहरु नयां प्रोजेक्ट शुरु गर्न थालेका छन् । यो पनि घर किन्ने योजनामा रहेकाका लागि भने गुड न्यूज हो ।

अमेरिकामा बस्न मात्र होइन कयौंले घरमा लगानीका रुपमा पनि पैसा लगाउंछन् ।