अमेरिका- गैर आवासीय नेपाली संघ अमेरिका (एनआरएनए अमेरिका)मा अध्यक्ष पदका लागि उम्मेदवारी दिएका सुमन थापाले दुई जना मात्र उम्मेदवार हुने वताएका छन् ।

एनआरएनए अमेरिकाको अध्यक्ष पदका लागि दुई जनाको मात्र उम्मेदवारी रहन्छ सोमवार सांझ हिमालयखवरसंग थापाले भने, कि म अध्यक्ष जित्छु कि जिताउंछु ।

एनआरएनए अमेरिकाका उपाध्यक्ष सुमनले अध्यक्षपदका लागि उम्मेदवारी दिएका छन् । उनी सहित डिलु पराजुली र डा अजुर्न बञ्जाडेले अध्यक्ष पदमा उम्मेदवारी दिएका छन् । दुई जनाको मात्र उम्मेदवारी कायम हुन थापा, पराजुली र बञ्जाडे मध्ये एक जनाले आफ्नो अध्यक्ष पदमा दिएको उम्मेदवारी फिर्ता लिनु पर्ने हुन्छ । । उम्मेदवारी फिर्ताका लागि जुलाई ९ तारिखसम्मको समय तोकिएको छ ।

टेक्ससमा रहेर व्यवसाय गर्दै आएका थापाले सोमवार हिमालयखवरसंग संक्षिप्त कुरा गर्दै आफुलेले उम्मेलवारी फिर्ता गर्ने वा नगर्ने वारेमा भने स्पष्ट पारेनन् ।

तपाई उम्मेदवारी फिर्ता लिनुहुन्छ भन्ने प्रश्नमा थापाले भने यती मात्र भने कि म जित्छु वा जिताउंछु । उनले आफु माथि अन्याय भएको दावी गरे । तर, कसले अन्याय गर्यो यो भने खुलाएनन् । म माथि अन्याय भएको छ मलाई विश्वासमा लिएर उम्मेवारी दिएको भए पनि हुन्थ्यो थापाले भने ।

अध्यक्ष पदका दावेवार डा बञ्जाडे वा पराजुली समुह मध्ये कसलाई तपाईको समर्थन हुन्छ भन्ने प्रश्नमा भने उनले केही पनि खुलाएनन् ।

अहिले एनआरएनए अमेरिकाको आगामी नेतृत्वका लागि चुनाव प्रकृया शुरु भएको छ । अध्यक्ष पदमा तीन जनाले उम्मेदवारी दिएका छन् । उम्मेदवारहरु अमेरिकाका विभिन्न शहरमा पुग्दै चुनाव प्रचार प्रसार गरिरहेका छन् ।

एनआरएन अमेरिकामा करिव १५ हजार मतदाता छन् । जुलाई २२ र २३ मा निर्वाचन हुने कार्यक्रम छ ।