हिमालयखबर संबाददादा-

ड्यालस (टेक्सस)  । यसवर्षको महाशिवरात्री पर्वका अवसरमा सोमबार ड्यालसको पशुपतिनाथ तथा बुद्ध मन्दिरमा एकहजारको हाराहारीमा नेपालीहरुले सहभागिता जनाएका छन् । 

 

सोमबार बिहानैदेखि मन्दिरमा भीड लागेको मन्दिरका मुल पुरोहित डा. शेखर पण्डितले जानकारी दिए । ड्यालसको एकमात्र नेपाली मन्दिरमा बिहानदेखिनै लागेको भक्तजनकहरुको भीड रातिसम्म थियो । साँझमा विशेष पूजा अर्चना गरिएको थियो ।

 

नेपाली सांस्कृतिक तथा आध्यात्मिक केन्द्रका अध्यक्ष सुरेशचन्द्र पोखरेलका अनुसार शिवरात्रीमा भक्तजनहरुको यति उल्लासपूर्ण सहभागिता यस अघि कमै देखिएको थियो । 

 

नयाँ मन्दिर बनेपछि नेपाली चाडपर्वहरु अझै भव्यताका साथ मनाउन सहज हुने पोखरेलले बताए ।

 

श्री पशुपतिनाथ तथा बुद्ध मन्दिर ड्यालस टेक्ससमा बिहान ९ बजे देखि राति ९ बजे सम्म महाशिवरात्री पुजा, अराधना, भजन तथा आरती विशेष कार्यक्रमको भिडियो हेर्नको  लागि यहाँ थिच्नुहोला

 

 

हिमालयखबर को युट्युब च्यानल सब्सक्राइब गर्नुभयो ? विश्वसनीय समाचार, तथ्यपूर्ण विश्लेषण, सन्तुलित विचार अनि व्यवसायीक पत्रकारिताको बारेमा सम्पूर्ण  अपडेट भिडियोमा पनि नछुटाइ हेर्न हिमालयखबरको युट्युब च्यानल सब्सक्राइब गर्नुहोला।