भरतपुर । चितवनमा कात्तिक महिनामा मात्र सवारी दुर्घटनामा ११ जनाको मृत्यु भएको छ ।
जिल्ला ट्राफिक प्रहरी कार्यालय चितवनले दिएका जानकारीअनुसार गत कात्तिक महिनामा भएका जम्मा २४ वटा दुर्घटनाका घटनामा ११ जनाको मृत्यु भएको हो । दुर्घटनामा ५९ जना घाइते भएका छन् ।
त्यसैगरी कात्तिक महिनाभर ५३ जनालाई मादक पदार्थ सेवनको कारबाही गरेर ५४ हजार ५०० राजस्व पनि संकलन गरेको छ ।
ट्राफिक प्रहरीले दुई हजार ८४७ सवारीलाई कारबाही गर्दा २१ लख ४७ हजार राजस्व आम्दानी पनि गरेको जिल्ला ट्राफिक प्रहरी कार्यालयले जानकारी दिएको छ ।
मोटरसाइकल चालकहरुले मोटरसाइकल तीव्र गतिमा चलाउने एवं मापसे गरि चलाउंदा पनि सवारी दुर्घटनाबाट मृत्यु हुनेको संख्या उच्च रहको हो ।
ट्राफिक प्रमुख गौतमले विद्यालय तहमा ट्राफिक नियमबारे विद्यार्थीहरुलाई जानकारी गराइएको बताउँदै ओभरटेक गर्ने नयाँ नियमबारे भर्खरमात्रै सवारी चालकहरुबीच सचेतना कार्यक्रम गरिएको बताए ।
दुर्घटना कम गर्ने प्रयासहरु भइरहे पनि जथाभावी ओभरटेक नगर्न सवारी चालकहरुलाई आग्रह गरे । सवारी दुर्घटना न्यूनीकरण गर्न मेटिसकेका जेब्राक्रसिङको ठाउँमा पुनः अर्को पेन्टिङ गर्ने पहल भइरहेको जानकारी दिए ।
प्रतिक्रिया