काठमाडौँ । महानायक राजेश हमाललाई पारिवारिक शोक परेको छ । उनका एक मात्र भाइ राकेश हमालको नयाँ दिल्लीमा उपचारको क्रममा निधन भएको छ ।  

 

उनका भिनाजु खगेन्द्र जिसीका अनुसार राकेशको कलेजोमा समस्या देखिएपछि केहीदिनअघि मात्रै प्लेन चार्टर्ड गरेर उनलाई दिल्ली पुर्‍याइएको थियो । उनका श्रीमती, एक छोरा र एक छोरी छन् । राजेशका दम्पती र राकेशको परिवार काठमाडौंमा एउटै घरमा बस्दै आएको जनाइएको छ । उनीहरुका तीन दिदीबहिनी छन् ।

 

अन्य क्षेत्रमा रहेका राकेश र राजेश हमालबीच करिब डेढ वर्षको उमेर अन्तर रहेको जनाइएको छ । काठमाडौंमै रहेका अभिनेता राजेश हमाल भाइको शव दिल्लीबाट नेपाल ल्याउने काममा लागिरहेको जनाइएको छ ।

 

हिमालय खबर परिवार यस दुःखद समयमा हमालको परिवारजनमा भगवान्ले धैर्य धारण गर्ने शक्ति प्रदान गरून भन्ने कामना गर्दछ ।