हिमालयखवर संवाददाता

अमेरिका- अमेरिकामा कोराना भाइरस (कोभिड १९) का कारण मृत्यु हुनेको संख्या एकलाख नाघेको छ । करिव दुई महिना अघिसम्म अमेरिकामा कोभिड १९ वाट एक लाख भन्दा वढी अमेरिकीको मृत्यु हुन्छ भन्ने कसैले अनुमान समेत गरेको थिएन । चीनमा देखिएको कोरोना भाइरस अमेरिका आउंदैन भन्ने भ्रम थियो ।   

 

चार महिना अगाडीसम्म सर्वसाधारणले थाहा नै नपाएको कोभिड १९ले विश्वकै आर्थिक र सैनिक दुवै दृष्टिले सवैभन्दा शक्तिशाली मुलुक अमेरिका अहिले सवैभन्दा वढी अक्रान्त छ । वुधवार सांझ सम्म पनि अमेरिकामा औषतमा दैनिक ९ सयले कोभिड १९का कारण ज्यान गुमाईरहेका छन् । कुनै दिन त यसवाट ज्यान गुमाउनको संख्या दैनिक ३ हजार कटेको थियो ।

 

अहिले संक्रमितको संख्या पनि दैनिक २० हजारको हाराहारीमा बृद्धि भईरहेको छ । अहिले संक्रमितको संख्या १७ लाख भन्दा वढी पुगेको छ ।

 

अमेरिकामा अहिले गत बर्षको यही समयका तुलनामा मृत्यु हुनेको संख्या १० प्रतिशतले वृद्धि भएको सीएनएनले जनाएको छ । कोरोना भाइरसका कारण मृत्यु हुनेको संख्या बृद्धि भएको अनुमान गरिएको छ । कोरोना भाइरसका कारण मृत्यु हुनेमा बृद्ध, अन्य स्वास्थ्य समस्या हुनेहरु धेरै छन् ।

 

कोभिड १९ ले अमेरिकामा स्वास्थ्य समस्या मात्र भएन । यसले अर्थतन्त्रमा पनि प्रभाव पारेको छ । व्यवसाय प्रभावित हुदां झण्डै ४ करोड बेरोजगार हुन पुगे । उच्चदरले गिरावट आएको शेयर बजार भने पुन आफ्नो लयमा फर्किन थालेका छ । तर, अर्थतन्त्र आउने दिनमा के हुन्छ भन्ने तनाव र आशंका भने छ ।

 

 अमेरिकामा लगभग सवै राज्य सरकारले कोभिड १९ फैलिन नदिन आम नागरिकलाई अत्यावश्यक काम बाहेक घरमै वस्न आग्रह गरे । तर, पनि बजारमा जान हिड्न भने रोक लगाईएन । त्यसले गर्दा पनि संक्रमण फैलिएको हो भन्ने तर्क पनि गरिएको छ ।

 

कोरोना भाइरसले महामारी लिएपछि अमेरिकामा मानिसहरुको दैनिकी भने प्रभावित भएको छ । सधै व्यवस्त हुने एयरपोर्ट सुनशान भए । हवाई यात्रा गर्नेको संख्या ९६ प्रतिशतसम्म तल झर्यो । स्कुलहरु शैक्षिक सत्र सकिनु भन्दा करिव दुई महिना अघि देखिनै वन्द भए । अहिले समर छुट्टी भएको छ । करिव साढे दुई महिना पछि शुरु हुने आउने शैक्षिक सत्र यथावत शुरु हुन्छ हुदैंन भन्ने अझै टुंगो छैन ।

 

पार्क, मल वन्द भए । । खेलकुद लगायत विभिन्न सार्वजनिक कार्यक्रमहरु भएनन् ।

 

कोरानाले ठुलो संख्यामा नेपालीपनि प्रभावित भए । संक्रमित हुने नेपालीको संख्या ५ हजार भन्दा वढी रहेको अनुमान छ । कोरोना भाइरसका कारण अमेरिकामा १८ जना नेपालीको ज्यान पनि गयो ।

 

कयौं नेपालीको पनि नियमित आम्दानीको बाटो कोरोना भाइरसका कारण रोकिएको छ । नेपाली समुदायले संचालित गर्दै आएका कयौं व्यवसाय पनि वन्द भए । पढ्नका लागि अमेरिका आएका नेपाली विद्यार्थी सवैभन्दा वढी प्रभावित भएका छन् । अमेरिका सरकारले दिएको विभिन्न सुविधा पनि विद्यार्थीले नपाउने, काम पनि पाउन मुस्किल हुदां विद्यार्थी समस्यामा परेका हुन् । मे, जुन, जुलाई, महिना कलेज छुट्टी हुने भएकाले काम गरेर पैसा जोहो गर्ने समय हो । तर, अहिले काम पाउन सजिलो छैन ।

 

कयौं नेपाली नेपाल फर्किन सकेनन् । तर, नेपाली समुदायले यो संकटमा आफ्ना क्षेत्रमा सहयोग गर्न भने पछि परेनन् । न्यूयोर्कमा स्थानिय तवरमा संक्रमित र सहयोग आवश्यक पर्नेलाई नेपाली समुदायनै सहयोग गर्न त्यहांको नेपाली समुदायनै जुट्यो ।