काठमाडौँ । नेपालमा शनिबार दुई नेपाली सेनाका जवान, धनुषाका २० र ६५ वर्षीय पुरुषसहित १४ जनामा कोरोना भाइरसको संक्रमण देखिएको छ ।

 

महोत्तरी निवासी ५२ वर्षीय र काभ्रे निवासी २६ वर्षीय दुई पुरुषमा कारोना संक्रमण देखिएको स्वास्थ्य तथाा जनसंख्या मन्त्रालयका प्रवक्ता डा विकास देवकोटाले जानकारी दिए । यससँगै नेपालमा कुल संक्रमितको संख्या २८१  पुगेको छ । 

 

शनिबार स्वास्थ्य तथा जनसंख्या मन्त्रालयका सहप्रवक्ता डा समीरकुमार अधिकारीले कपिलवस्तुको शिवराज नगरपालिका चन्द्रौटाका २५, ३४ र ४४ वर्षीय पुरुषमा कोरोना भाइरस देखिएको पुष्टि गरेका थिए । 

 

यसअघि पूर्वी चितवनको राप्ती नगरपालिका १ गड्यौली निवासी २५ वर्षीया महिला, बर्दिया नार्खु ११ की २८ वर्षीया महिला, सिरहा सखुवा १९ का ३० वर्षीय पुरुष, पर्सा वीरगञ्ज १२ निवासी २८ र २९ वर्षीय दुई पुरुष, सर्लाही रामनगर ४ की १८ वर्षीया महिलामा संक्रमण देखिएको थियो ।

 

यसैबीच, आज फेरि दुई जनामा संक्रमण देखिएको छ । मन्त्रालयका सहप्रवक्ता डा अधिकारीका अनुसार राष्ट्रिय जनस्वास्थ्य प्रयोगशालामा परीक्षणका क्रममा धनुषाका २० र ६५ वर्षीय पुरुषमा संक्रमण देखिएको हो ।

 

मृत महिला र दुई अर्का नयाँ गरी संक्रमितको संख्या २८१ पुगेको छ । उनका अनुसार संक्रमितको स्वास्थ्य अवस्था सामान्य भएको र ती स्वास्थ्यकर्मीको सम्पर्कमा छन् । 

 

मन्त्रालयका अनुसार हालसम्म ३६ जना निको भई घर फर्किएका छन् । आज पुष्टि भएका संक्रमितको स्वस्थ्य अवस्था सामान्य रहेको र उनीहरु स्वास्थ्यकर्मीको सम्पर्कमा रहेको मन्त्रालयले जनाएको छ ।