काठमाडौँ । कोरोना भाइरसका कारण विश्वभर तीन लाखभन्दा बढी व्यक्तिको मृत्यु भएको छ भने संक्रमितको संख्या ४४ लाख ७८ हजार नाघेको छ । 

 

जोन्स हकिन्स विश्वविद्यालयका अनुसार नेपाली समयानुसार बिहीबार रातिसम्ममा विश्वभर तीन लाख २२० जनाको मृत्यु भएको छ भने ५३ हजार नयाँ संक्रमित थपिएका छन् ।  

 

प्राप्त समाचारअनुसार विश्वभर ४५ हजार ८९० मानिसको स्वास्थ्य अवस्था कोरोना भाइरसबाट अत्यन्त जटिल रहेको छ भने २४ लाख ४६ हजार ५७४ अर्थात् करिब ९८ प्रतिशतको अवस्था सामान्य छ । 

 

युरोपेली मुलुकहरुमध्ये बेलायतमा सबैभन्दा बढी व्यक्तिको मृत्यु भएको छ । पछिल्लो विवरणअनुसार बेलायतमा ३३ हजार ६१४ जनाको कोरोना भाइरसका कारण मृत्यु भइसकेको छ । 

 

संयुक्तराज्य अमेरिकामा मृत्युदरमा खासै कमी आएको छैन । पछिल्लो २४ घन्टामा अमेरिकामा १७७२ जनाको मृत्यु भएको छ । योसहित अमेरिकामा मृत्यु भएका व्यक्तिको कूल संख्या ८५ हजार ४६३ पुगेको छ ।

 

कोरोना भाइरसबाट सर्वाधिक दैनिक मृत्युदर रहेका इटाली, स्पेन र फ्रान्समा २४ घन्टाको अवधिमा अघिल्लो दिनको झैं सामान्य रहेको छ । विगत २४ घन्टामा इटालीमा १९५, स्पेनमा १८४ र फ्रान्समा ८३ जनाको ज्यान गएको छ । इटालीमा ३१ हजार १०६, स्पेनमा २७ हजार ३२१ र फ्रान्समा २७ हजार ७४ जनाको मृत्यु भएको छ ।  

 

कोरोना भाइरसबाट युरोपमा १५ लाख १५ हजार ५०९ जना कुल संक्रमित भएकोमा १ लाख ५८ हजार ३६७ जनाको मृत्यु भएको छ । यस्तै, उत्तर अमेरिकामा १५ लाख ७७ हजार २२५ संक्रमित भएकोमा ९५ हजार ९८१ जनाको ज्यान गएको छ । 

 

यसैगरी, एसियामा ७ लाख ३४ हजार ३५७ जना बिरामी छन् भने २३ हजार ४३१ जनाले ज्यान गुमाएका छन् । दक्षिण अमेरिकामा ३ लाख ६१ हजार ५८ जना संक्रमितमध्ये १९ हजार १९४ को मृत्यु भएको छ । अफ्रिकामा ७४ हजार ५०८ जना संक्रमित रहेकोमा २ हजार ५१२ को ज्यान गएको छ । यस्तै, ओसेनिया (अस्ट्रेलिया) मा कुल ८ हजार ५९० जना संक्रमितमध्ये ११९ ले ज्यान गुमाएका छन् ।  

 

दक्षिण एसियाली मुलुकहरुमध्ये सबैभन्दा प्रभावित भारत बनेको छ । भारतमा ७९ हजार ३३३ जना संक्रमित छन् भने २ हजार ५६४ ले ज्यान गुमाएका छन् । यस्तै, पाकिस्तानमा ३५ हजार ७८८ संक्रमितमध्ये ७७० को ज्यान गएको छ । बंगलादेशमा १८ हजार ८६३ संक्रमितमध्ये २८३ जनाको मृत्यु भएको छ । अफगानिस्तानमा ५ हजार ६३९ संक्रमितमध्ये १३६ को ज्यान गएको छ । 

 

यस्तै, श्रीलंकामा ९१६ कुल संक्रमितमध्ये ९ जनाको निधन भएको छ । यस्तै, माल्दिभ्समा ९५५ संक्रमित रहेकोमा ४ जनाको ज्यान गएको छ । 

 

नेपालमा हालसम्म २४९ जना संक्रमित छन् भने ३५ जना निको भएका छन् । भुटानमा १९ जनामा संक्रमित देखिएकोमा ५ जना र फर्किसकेका छन् । एजेन्सीको सहयोगमा