नयाँदिल्ली । भारतमा कोरोना भाइरसबाट सङ्क्रमितको संख्या ६३ हजार पुगेको छ । सङ्क्रमितहरुको संख्या बढ्दै गएसँगै सङ्क्रमणबाट निको हुनेहरुको दर पनि बढ्दै गएको अधिकारीहरुले जनाएका छन् । उनीहरुका अनुसार झण्डै ३० प्रतिशत सङ्क्रमितलाई निको भएको छ । 

 

शनिबारमात्रै झण्डै तीन हजार ३२० जना कोरोनाभाइरस सङ्क्रमितहरु थपिएको जनाइएको छ । योसँगै भारतमा कुल सङ्क्रमितको संख्या ६२ हजार ९३९ पुगेको छ ।   

 

सङ्क्रमितको संख्या ६२ हजार नाघे पनि अहिले बिरामी अवस्थामै रहेकाहरुको संख्या भने ४१ हजार ४७२ रहेको छ । त्यसैगरी सङ्क्रमणमुक्त हुनेहरुको संख्या १९ हजार ३५८ रहेको अधिकारीहरुले जनाएका छन् । 

 

पछिल्लो २४ घण्टाको अवधिमा मात्रै भारतमा ११६ जनाको कोरोनाभाइरसका कारण मृत्यु भएको छ । यो सँगै भारतमा कोरोनाका कारण मृत्यु हुनेहरुको कुल संख्या २ हजार १०१ पुगेको छ ।

 

केन्द्रीय स्वास्थ्यमन्त्री डा हर्ष बर्धनले शनिबारले सङ्क्रमित र मृत्यु हुनेहरुको संख्या दिनप्रतिदिन बढ्दै गए पनि कतिपय विकसित देशहरुमा जस्तो अनियन्त्रित र भयावह अवस्था भने नरहेको बताए । 

 

हाम्रोमा कोरोनाभाइरसबाट सङ्क्रमितहरुको मृत्युदर झण्डै ३.३ प्रतिशत रहेको छ जबबि सङ्क्रमणमुक्त हुने दर भने २९ं९ प्रतिशत रहेको छ, उनले भने । यस तथ्यांकलाई उनले सुखद र सकारात्मक भएको तर भयावह अवस्थाको नभएको दाबी गरे । एएनआई