काठमाडौँ । नेपालमा पुनः थप दुई जनामा कोरोना संक्रमणको पुष्टि भएको छ । काठमाडौँ पेप्सीकोलास्थित सनसिटी अपार्टमेन्टबाट अस्पताल भर्ना गरिएका दुई जनामा कोरोना भाइरस (कोभिड–१९) को संक्रमण पुष्टि भएको हो ।

 

जसमध्ये एक जनाको भने रिपोर्ट आउन बाँकी छ । 

 

सोमबार तीन जनाको ¥यापिड टेस्ट गर्नेक्रममा रिपोर्ट पोजेटिभ आएको हो । कोरोना संक्रमण देखिएका उनीहरु करिब एक महिनाअघि युकेबाट नेपाल आएका हुन् । उनीहरुलाई पाटन अस्पतालमा भर्ना गरी थ्रोट स्वाब संकलन गरी परीक्षण गरिएको थियो ।

 

तीनमध्ये छोरा र बुहारीको जनाको रिपोर्ट आएकोमा कोरोना संक्रमण पुष्टि भएको छ । आमाको रिपोर्ट आउन बाँकी रहेको छ । स्वास्थ्य तथा जनसंख्या मन्त्रालयले यसको आधिकारिक पुष्टि गर्न बाँकी छ ।  

 

सनसिटीका पाँचवटा विल्डिङमध्ये कोरोना संक्रमण देखिएको परिवार ए बिल्डिङमा रहँदै आएको छ । र्‍यापिड टेष्टमा उनीहरुको रिपोर्ट पोजेटिभ आएलगत्तै प्रहरीले अपार्टमेन्टलाई सिल गरेको छ ।

 

अपार्टमेन्टमा रहेका मानिसहरुलाई अन्यत्र जान दिइएको छैन । सो अपार्टमेन्टमा पाँचसय परिवार बस्छन् । हाल अपार्टमेन्टमाभित्र करिब दुई हजारको संख्यामा मानिस बस्दै आएका छन् । 

 

प्रहरीले भित्रबाट बाहिर र बाहिरबाट भित्र जान दिएको छैन । प्रहरी डीआईजी विश्वराज पोखरेलका अनुसार अहिले प्रहरीले उक्त भवनमा सिल गरेको हो ।