काठमाडौँ । सामाजिक सेवा, विपद् व्यवस्थापन र परोपकारमा अग्रणी चौधरी फाउन्डेसनले पहिलो चरणमा सातै प्रदेशका ४८ स्वास्थ्य केन्द्रमा कोभिड १९ को रोकथाम र उपचारका लागि अत्यावश्यक व्यक्तिगत सुरक्षा सामग्री (पिपिई) वितरण गरेको छ । 

 

नेपालमा पिपिई अभाव भइरहँदा फाउन्डेसनले आफ्नै पहलमा अस्पताल, स्वास्थ्यचौकी, क्वारेन्टाइन र आइसोलेसन केन्द्रहरूमा वितरण गरिरहेको छ । धेरैभन्दा धेरै स्वास्थ्य केन्द्रहरूमा सुरक्षा सामग्री वितरण गरेको छ । 

 

चौधरी फाउन्डेसनले पहिलो चरणको वितरण सकिएसँगै आफ्नो ध्यान परीक्षण किट, एन-९५ मास्कलगायत अन्य अत्यावश्यक सामग्रीमा केन्द्रित भएको जनाएको छ ।

 

चीनका विभिन्न सहरमा तयार पारेर राखिएका उत्तः सामान नेपाल आउनेबित्तिकै द्रुत गतिमा वितरण थालिने फाउन्डेसनले जनाएको छ ।