हिमालयखवर संवाददाता

विराटनगर- एक नम्बर प्रदेशमा यो आर्थिक बर्षमा न्यून लागत प्रबिधि प्रयोग गरी २० वटा ग्रामिण सडक निमार्ण गरिने भएको छ । यसमा दक्षिण अफ्रिकाको कम्पनी एटीएट चेम्को द्धारा विकसित प्रविधिको प्रयोग गरेर सस्तो लागतमा कालोपत्रे सडक निमार्ण गरिने प्रदेश मुख्यमुन्त्री शेरधन राईले जानकारी दिए ।

 

उपभोक्ता समितिमार्फत यी सडक निमार्ण गर्न मुख्य मन्त्री राईले निर्देशन दिएका छन् ।

 

उक्त किफायती प्रविधि वारे जानकारी दिन हालै विराटनगरमा एक कार्यत्रम आयोजना गरिएको थियो । नगरपालिका र गाउंपालिकाका प्रमुख सहभागी कार्यक्रममा कम्पनी प्राविधिकहरुले अलकत्रा प्रयोग गरेर सडक निमार्ण गर्नु भन्दा नयां प्रविधि प्रयोग गर्दा सडक टिकाउ, खर्च सस्तो गर्ने जानकारी दिएका थिए । यो प्रविधि नेपालमा अनिक ओभरसिजले ल्याएको हो ।

 

दक्षिण अफ्रिका, मलेसिया, इन्डोनेसिया लगायत विभिन्न देशमा यस प्रविधि मार्फत सडक निमार्ण भईरहेको जनाउंदै कम्पनीका प्राविधिकहरुले सीआरपी भनिने यो प्रविधि ग्रामिण र भित्रि सहायक सकडकका लागि अति प्रभावकारी हुने दावी गरे । यस प्रविधि मार्फत प्रति किलोमिटर ५० लाखमा टिकाउ कालोपत्रे करोडमा सडक निमार्ण गर्न सकिन्छ । जवकी परम्परागत प्रविधिवाट सडक कालोपत्रे गर्दा प्रति किलोमिटर करिव डेढ करोड रुपैंया पर्छ ।

 

यो प्रविधिले सडक वनाउंदा धुलो नउड्ने, बातावरणमा कुनै हानी नगर्ने, कम लागतमा चाडै सकड निमार्ण गर्न सकिने भएकाले ग्रामिण र शहरका भित्रि सडकका लागि उपयुक्त कम्पनीको दावी छ । यो प्रविधि उपयोग गर्दा ग्राभेल बलियो बनाउने, अलकत्रा स्प्रे गर्ने र पोलिमर ओछ्याएर सडकलाई चिल्लो पार्ने गरिन्छ ।

 

प्रदेश १ का भौतिक पूर्वाधार मन्त्रालयका निमित्त सचिव राजेशप्रसाद घिमिरेले मोरगंको थलाहामा यो प्रविधिवाट सडक निमार्ण गरिएको जानकारी दिए । नेपाली सेनाको सूर्यदल गण नजिकै यस्तो प्रविधिको प्रयोग गरेर सडक निर्माण गरिएको छ ।

 

अनिकका नेपाल प्रतिनिधि प्रकाश टिबडेबालाले नयां प्रविधि भएकाले यसवारेमा धेरै जिज्ञासा रहेको हुदां जानकारी दिन कार्यक्रम आयोजना गरिएको वताए । उनले यो प्रविधिवाट कम खर्चमा कालोपत्रे सडक निमार्ण गर्न सकिने दावी पनि गरे । उनले माग अनुसार चेम्कोले आफ्ना उत्पादन नेपालमा आपूर्ति गर्न सक्षम रहेको पनि जानकारी दिए ।