अमेरिका-  अमेरिकामा रहेका नेपालीहरूको लगानीमा निर्माण भएको चलचित्र 'मिस्टर नेपाली' को यही सप्ताहन्त ड्यालसमा प्रिमियर शो हुने भएको छ । 

 

प्रेमराज दाहालको निर्माण तथा देव भुषालको निर्देशनमा तयार भएको चलचित्र ‘मिस्टर नेपाली’ अाउँदो अाइतबार ड्यालस र हुस्टनमा प्रिमियर शो हुनेछ । नेपालमा भने कात्तिकको २९ गतेबाट मात्र रिलिज हुँदैछ । यो चलचित्रले विदेशमा रहेपनि मन त नेपाली नै हुन्छ भन्ने भावलाई प्रस्तुत गरेको छ । चलचित्रको ट्रेलर र गीत सार्वजनिक भैसकेको छ ।

 

यो चलचित्रको नेपाल प्रदर्शन अगावै अमेरिकामा प्रिमियर गर्ने तयारी गरिएको निर्माता मध्यका एक विजय भुसालले जानकारी दिनुभयो । ड्रयालसको अर्भिङ मकार्थरमा रहेको हलिउड थिएटरमा अाइतबार दिउँसो ३ बजे प्रिमियर प्रदर्शनी हुन लागेको हो । सोही दिन दिउँसो टेक्ससकै अर्को शहर हुस्टनमा पनि यो चलचित्रको प्रिमियर शो हुनेछ । 

 

अमेरिकाको सान फ्रान्सिस्को क्यालिफोर्नियामा नोभेम्बर १२ मा चलचित्रको प्रिमियर हुनेछ ।

 

चलचित्रको नायकमा भूवन केसी, सरोज खनाल नायिकामा रीमा विश्वकर्माको साथमा नव कलाकारद्धय साहिल श्रेष्ठ र कुसुम राउतको मुख्य भूमिका छ । अमेरिकाकै परिवेशमा अाधारित रहेर चलचित्र निर्माण भएको भुसालले जानकारी दिनुभयो । अमेरिकामा अाएर पनि नेपाली भाषा, संस्कृतिको जगेर्नाका लागि गरेको संघर्ष चलचित्रको मुख्य कथावस्तु रहेको बताइएको छ ।