हिमालयखवर संवादादता-
अमेरिका । नेपालका चर्चित व्यवसायी प्रभाकर शम्शेर राणाको न्यूयोर्क अस्पतालमा उपचारका क्रममा विहीबार निधन भएको छ । राणाको ८४ बर्षको उमेरमा उपचारका क्रममा निधन भएको हो ।
राणाको १० महिना अघि देखी न्यूयोर्कमा उपचार भईरहेको थियो ।
राणा पुर्व राजा ज्ञानेन्द्रका व्यवसायीक साझेदार पनि हुन् । राणा नेपालका चर्चित र सफल कम्पनी सोल्टी होटल, सिप्रदी ट्रडिंग, भोटेकोशी पावर लगायतमा संलग्न थिए । सोल्टीमा पुर्व राजा ज्ञानेन्द्रका परिवारको पनि शेयर लगानी छ ।
स्वास्थ्य समस्या देखिएपछि राणा उपचारका लागि अमेरिका आएका थिए । अन्तिम समयमा राणाका साथ परिवारका सदस्यहरु सँगै थिए ।
स्वर्गीय राणाको अन्तिम संस्कार पनि न्यूयोर्कमै गरिने बताइएको छ । उनको अस्तुमात्र नेपाल लगिने भएको छ ।
शालीन स्वभावका व्यवसायी राणाको निधन प्रति नेपालका उद्यमी व्यवसायी लगायतले शोक व्यक्त गरेका छन् । नेपालको उद्योग व्यवसाय क्षेत्रमा राणालाई भद्र र सम्मानजनक रुपमा लिईन्थ्यो ।
उमेरका कारण सकृय व्यवसायीक जीवनवाट भने राणाले आफुलाई अलग गरेका थिए । उनका व्यवसाय छोरा सिद्धार्थले सम्हाल्दै आएका थिए । तस्बिर: सामाजिक संजाल
प्रतिक्रिया