लसएन्जलस (अमेरिका) – नेपालमा रहँदा बिभिन्न बिधामा सक्रिय कलाकर्मीहरु प्रवासमा रहेर पनि नेपाली कला साहित्य र संस्कृतिको जगेर्ना गर्ने उध्येश्यले विभिन्न कार्यक्रमहरुको आयोजना गर्ने क्रममा लसएन्जल्समा बसोबास  गर्ने कलाकारहरुको सहकार्यमा “भन पहिले” बोलको म्यूज़िक भिडियो तयार गरिएको छ ।

 

जसमा एस .राज प्रोडक्शनका डाइरेक्टर एस. राज (शंकर वाग्ले)का गित रचना, भिंडियों तथा निर्देशन रहेको छ । उनले यसअघि नेपाली चर्चित टेलिफ़िल्म मेरी बास्सैमा निकै रुचाईएको भुमिका राईफलेका रुपमा प्रस्तुत भएका थिए भने कान्तिपुर टेलिभिजनको घरबेटी -बा टेलिश्रखलामा समेत प्रमुख भुमिकामा रहेर अभिनय गरेका थिए । 

 

उनले भर्खरै आफ्नो जन्म दिनको अवसरमा एस राज (शंकरराज वाग्ले) ले “भन पहिले “ नामक म्यूज़िक भिडियो सार्वजनिक गरेका छन् । 

 

यसमा स्वर/ संगीत गायककार नरेन्द्र प्यासीको रहेको छ एवं मुख्य कलाकारहरु यम चापागाई, रोशीना कोईराला, अमित लुईटेलको मुख्य भुमिका रहेको छ । त्यस्तै बिदुर पाठकले  स्क्रिन प्लेको भुमिका गरेका छन् भने भिंडियों एस राज प्रोडक्सनबाट सार्वजनिक गरिएको छ। 

 

यस कार्यक्रममा भिडियोलाई सार्वजनिक गर्दै सम्पुर्ण कलाकर्मीहरुलाई नेपाल अमेरिका पत्रकार संघ ( नेजा) को अध्यक्ष सुदिप पन्तले बधाई तथा शुभकामना ब्यक्त गर्दै   एस राज प्रोडक्शनका राम्रो युवा टिम र राम्रो कार्यको प्रसंसा गरेका थिए र सो कार्यक्रममा लसएन्जल्सबासी सम्पुर्ण पत्रकारहरु,फेरी भेटौला भन्ने नेपाली फिल्मको नायक रत्न थापा लगायत  संगितलाई माया गर्ने ब्यक्तित्व तथा कलाप्रेमीहरुको उपस्थिति रहेको थियो ।