हिमालयखवर संवाददाता
लसएञ्जल्स(अमेरिका)- क्यालिफोर्निया लसएञ्जल्समा साथिहरुसंग पौडी खेल्न गएका वेला अचानक डुब्दा अचेत भएका अमेरिकामा अध्ययनरत नेपाली विद्यार्थी अमिर शाहीको शुक्रवार निधन भएको छ ।
ओरेन्ज कोयस्ट कलेज, कोयस्टा मेसामा अध्ययनरत १८ बर्षका शाही गत जुलाई ३ तारिखमा पौडी खेल्न जांदा अचेत भएका थिए । उनको स्थानिय न्यूपोर्ट विच स्थित अस्पतालमा उपचार भईरहेको थियो । उनी कोमामा थिए । उपचारकै क्रममा उनको निधन भएको हो । नेपालमा सुर्खेत स्थायी घरभएका अमिर पढ्न अमेरिका आएका थिए ।
उनको अन्तेष्ठीका लागि एनआरएन अमेरिका क्यालिफोर्निया च्याप्टर, एनआरएन अमेरिका महिला संयोजक इन्दीरा त्रिपाठीले समुदायसंग सहयोगका लागि अपिल गरेका गरेका छन् । गो फण्ड मार्फत सहयोगका लागि अपिल गरिएको हो ।
करिव एक बर्ष अघि पनि समुन्द्रमा पौडी खेल्न जांदा टेक्ससमा एक नेपालीको ज्यान गएको थियो ।
प्रतिक्रिया