हरन्डन (भर्जिनिया) – अमेरिकाको भर्जिनियाको हरन्डन शहरमा लुटेराको अाक्रमणबाट नेपाली मूलका एकजनाको निधन भएको छ ।
निधन हुनेमा चन्तली सिटीमा बसोबास गर्दै आएका ४० बर्षिय रेशम बजगाई रहेको फेयर फ्याक्स प्रहरी चौकीले जनाएको स्थानीय फक्सफाइभ अनलाइनले जनाएको छ ।
घटनामा संलग्न रहेको अारोपमा बन्दुकधारीलाई पक्राउ गरिएको प्रहरीले जनाएको छ । मृतक बजगाइ हरन्डनको सुनोको ग्याँस स्टेसनमा कार्यरत थिए ।
अमेरिकाको स्वतन्त्रता दिवसको एकाबिहानै १ बजे १५ मिनेटमा बुधबार प्रहरीलाई खबर गरेको जानकारी फेयर फ्याक्स प्रहरी चौकीले जनाएको छ । प्रहरीका अनुसार सम्भवत लुट्ने प्रयास गर्ने क्रममा लुटेराले टाउकोमा प्रहार गरेर बगजाइको हत्या गरिएको अनुमान गरिएको छ ।
गोरखा केराबारी घर भएका बजगाईको परिवार केहि वर्षदेखि चितवनको भरतपुरमा बसोबास गर्दै आएका छन् । उनी गत सेप्टेम्बरमा अमेरिका आएका हुन् । उनकी पत्नी भने चार वर्ष अघि आएकी हुन् । उनका ५ वर्षकी एक छोरी छिन् ।
हरन्डनको शपिंग मल स्थित १३३०० ब्लक अफ फ्रान्कलिन फर्ममा घटना घटेको हो । उक्त संधिग्द बन्दुकधारीलाई नजिकैको किनमेल पसलको सवारी साधन पार्किंग लटबाटनै पक्राउ गरिएको जनाएको छ । प्रहरीका अनुसार हत्याको अभियोगमा पक्राउ परेका व्यक्तिको नाम मोहम्मद अब्दुल्लाह रहेको छ ।
प्रहरीले घटनाबारे जानकारी रहेकाहरूलाइ थप सूचनाका लागि अाग्रह गरेको छ।
को हुन्
* (अद्यावधिक गरिएको ।)
प्रतिक्रिया