ड्यालस (अमेरिका) – ड्यालसको पुरानो नेपाली संस्था मध्यको एक ड्यालस एभरेष्ट लायन्स क्लबले आज शनिबार ‘नेपाल साँझ’ (An Evening in Nepal-2018) आयोजना गर्दैछ । आयोजनाको सम्पूर्ण तयारी पुरा भएको आयोजकले जानकारी दिएका छन् ।
ड्यालस एभरेष्ट लायन्स क्लबले हरेक वर्ष नेपाल साँझ सहित फण्ड रेजिङ डिनर आयोजना गर्दै आएको छ । यस पटकको कार्यक्रम आज शनिबार साँझ ६ बजेदेखि आयोजना गर्न लागिएको प्रथम उपाध्यक्ष थलराज पन्तले जानाकारी दिए ।
हिल्टन गार्डेन इन, भ्याली भ्यू लेन अर्भिङमा हुने कार्यक्रममा सहभागिताका लागि लायन्स क्लबले स्थानीय समुदायसँग आग्रह गरेको छ । आजको प्रमुख अतिथिमा लायन्स क्लब अफ टेक्ससका काउन्सिल चेयर रिक टालबर्ट रहनुहुने जनाइएको छ ।
कार्यक्रममा डिजे नाइट सहित राफल चिठ्ठा, नृत्य समेत समावेश गरिएको छ । लायन्स क्लबले ड्यालसमा नेपाली समुदायको लागि स्वास्थ चेतनामुलक कार्यक्रम, बालबालिकाको नेतृत्व विकासका लागि बिभिन्न कार्यक्रमहरु गर्दै आएको छ ।
लाइन्स क्लब अन्तर्राष्ट्रिय रुपमै अत्यन्तै प्रतिष्ठित सामाजीक संस्थाका रुपमा परिचित छ । शनिबारको कार्यक्रममा सपरिवार उपस्थित भएर मनोरञ्जन लिनुका साथै सामाजीक कार्यमा सहयोग गर्न संस्थाले अनुरोध गरेको छ ।
प्रतिक्रिया